Ստեփանակերտը հրթիռակոծվում է կասետային ռումբերով

136

Ստեփանակերտը հրթիռակոծվում է կասետային ռումբերով, այսօր հայտարարում է Արցախի արտակարգ իրավիճակների պետական ծառայությունը (ԱԻՊԾ)։

Ըստ ծառայության, Ադրբեջանի թիրախում քաղաքն է` բնակելի շենքերով, քաղաքացիական ու հանրային ենթակառուցվածքներով։

Տուժածների վերաբերյալ տվյալներ առայժմ չկան։

Այսօր ավելի վաղ ԱԻՊԾ-ն հաղորդել է, որ Ստեփանակերտն ամբողջ գիշերվա ընթացքում և լուսադեմին պարբերաբար հրթիռակոծվել է:

Հրթիռն ընկել է բնակելի տան վրա, զոհվել են քաղաքացիական 3 անձ։

Պայթյունից մասնակի վնասվել են նաև հարևանությամբ գտնվող բնակարանները: