ՏԱՍՍ լրատվական գործակալությունը, հղում անելով NTV թուրքական հեռուստակայանին, հաղորդում է, որ նախագահ Ռեջեփ Թայիփ Էրդողանը ռուսաստանցի պաշտոնակից Վլադիմիր Պուտինի հետ երեկվա հեռախոսազրույցում առաջարկել է համագործակցել ղարաբաղյան հակամարտությունը կարգավորելու հարցում:
Այդ մասին Էրդողանն ասել է՝ այսօր ելույթ ունենալով Թուրքիայի խորհրդարանի՝ Ազգային մեծ ժողովի նիստում, որն ուղիղ եթերում հեռարձակել է NTV-ն:
«Մենք լավ բանակցություններ անցկացրինք Պուտինի հետ: Մանրամասնորեն քննարկեցինք Ղարաբաղի խնդիրը: Մենք ասացինք. — «Եկեք ավարտենք այս ամենը Կովկասում, ուզում եք՝ համատեղ քայլեր անենք, խոսենք կողմերի հետ»: Հիմա կարևոր է հստակ որոշել՝ լուծո՞ւմ ենք այս խնդիրը, թե՞ ոչ», — հայտարարել է Էրդողանը խորհրդարանում:
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: