Մարդու իրավունքների եվրոպական դատարանը ստացել է Հայաստանի կողմից ուղարկված դիմումը՝ Լեռնային Ղարաբաղի հակամարտության հետ կապված Թուրքիայի նկատմամբ միջոցներ ձեռնարկելու պահանջով։
Այս մասին ՏԱՍՍ-ին հայտնել են եվրադատարանի մամուլի ծառայությունից։
«Այո՛, մենք ստացել ենք Թուրքիայի նկատմամբ միջոցներ ձեռնարկելու մասին Հայաստանի դիմումը։ Դիմումի բովանդակությունը, ըստ գործող կանոնների, իրավունք չունեմ ներկայացնել ձեզ»,- ասել է ՄԻԵԴ մամուլի ծառայության ներկայացուցիչը։
Նա չի հստակեցրել նաև, թե երբ է քննարկվելու դիմումը։ Դատարանի պրակտիկայի համաձայն՝ դրա համար սովորաբար մի քանի օր է պահանջվում։
Ավելի վաղ ՄԻԵԴ-ում Հայաստանի ներկայացուցչությունը հաղորդել էր, որ Երևանը դիմել է Մարդու իրավունքների եվրոպական դատարան՝ խնդրելով միջոցներ ձեռնարկել Թուրքիայի նկատմամբ՝ կապված Լեռնային Ղարաբաղում հակամարտության ֆոնին Ադրբեջանին ռազմական օգնություն ցուցաբերելու հետ։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: