«Թուրքիան Սիրիայից գրոհայիններ է տեղափոխել Ղարաբաղ»

168

«Թուրքիայի կողմից Սիրիայից տեղափոխված գրոհայիննեն արդեն մասնակցում են Լեռնային Ղարաբաղում ռազմական գործողություններին»,- «Ռիա Նովոստի» գործակալությանը տված հարցազրույցում հայտարարել է Ռուսաստանում Հայաստանի դեսպան Վարդան Տողանյանը։

Դեսպանն ընդգծել է, որ հայկական կողմի տեղեկություններով Թուրքիայի միջոցով Սիրիայից Ադրբեջան է տեղափոխվել 4 հազար գրոհային։

«Նրանք արդեն մասնակցում են այդ կողմից։ Նրանց պատրաստում են գրոհայինների ճամբարում»,- ասել է Տողանյանը՝ պատասխանելով հարցին, թե արդյոք Լեռնային Ղարաբաղում մարտական գործողություններին մասնակցում են Սիրիայից գրոհայիններ։

Դեսպանն ասել է, որ այդ խմբավորումների կազմի մեջ մտնողների ազգությունը որոշելը բարդ է։