Ադրբեջանի ՊՆ-ն ծառայությունից հեռացրել է Գուրգեն Ալավերդյանին տեսանկարահանած զինծառայողներին

0
89

Ադրբեջանի պաշտպանության նախարարությունը ծառայությունից հեռացրել է Գուրգեն Ալավերդյանին գերեվարած զինծառայողներին: Հայտնում է Haqqin.az-ը:

Աղբյուրի համաձայն` սոցիալական ցանցերում, այդ թվում` YouToube-ի որոշ ալիքներով, տեղեկատվություն էր տարածվել, որ Գլխավոր շտաբի պետ, գեներալ-գնդապետ Նաջմեդին Սադիկովի հրամանով զինվորականներ են հեռացվել ԶՈւ-ից, ովքեր մասնակցել են ավագ լեյտենանտ Գուրգեն Ալավերդյանի գերեվարմանը: Ըստ տեղեկությունների` այդ զինծառայողներն հեռացվել են` կարգապահության կոպիտ խախտման, բանակում արգելված սմարթֆոնների օգտագործման համար:

Այս տեղեկատվության կապակցությամբ Azeri Daily-ն դիմել է պաշտպանության նախարարության մամուլի ծառայությունը: Պաշտպանության նախարարությունից հայտնել են, որ պնդումներն առ այն, որ այդ զինծառայողները պատժվել են հայ սպային իբր գերեվարման համար, կեղծ են եւ շինծու:

«Դա զրպարտություն է բանակի ղեկավարության դեմ: Այդ կապակցությամբ մենք հայտարարում ենք, որ որոշ զինծառայողներ կոպտորեն խախտել են Ադրբեջանի բանակում սմարթֆոնների օգտագործումն արգելող համապատասխան հրամանի պահանջները: Այդպես, այդ զինծառայողները լուսանկարել եւ տեսանկարահանել են գերեվարված հայ դիվերսանտին եւ ուղարկել մերձավոր ազգականներին, ինչի արդյունքում այդ կադրերը տարածվել են սոցիալական ցանցերում: Նախաքննության արդյունքում մեղավոր զինծառայողները հեռացվել են, իսկ հավաքված նյութերն ուղարկվել են ռազմական դատախազություն` իրավական գնահատման համար»,- նշել են Ադրբեջանի պաշտպանության նախարարությունում:

Forrights-ը կապ հաստատեց ՊՆ մամուլի խոսնակ Շուշան Ստեփանյանի հետ՝ տեղեկության վերաբերյալ մեկնաբանություն ստանալու համար։ Վերջինս նշեց, որ նախարարությունը չի մեկնաբանում ադրբեջանական լուրերը։

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here