Զինվորի մահվան գործով կալանավորված Առաքել Մովսիսյանի որդին ազատ է արձակվել

0
58
Ձախից՝ Դավիթ Մովսիսյանը, աջից՝ Գոռ Գևորգյանը

Աժ նախկին պատգամավոր Առաքել Մովսիսյանի որդին՝ Դավիթ Մովսիսյանն ազատ է արձակվել։ Այդ մասին ֆեյսբուքյան իր էջում տեղեկացրել է փաստաբան Գոռ Գևորգյանը:

«Հաղթանակ. Դատարանն ազատ արձակեց Դավիթ Մովսիսյանին»,-ասվում է գրառման մեջ։

Մովսիսյանը ձերբակալվել էր ժամկետային զինծառայողի մահվան կապակցությամբ հարուցված քրեական գործի շրջանակում։ Նրա նկատմամբ որպես խափանման միջոց էր ընտրվել կալանավորումը։

2020թ. հունվարի 30-ին՝ ժամը 13:15-ի սահմաններում, ՊԲ բանակային ուսումնական կենտրոնում, N զորամասի պարտադիր ժամկետային զինծառայող, շարքային Վահրամ Մկրտիչի Ավագյանն իրեն ամրակցված ԱԿՄ տեսակի ինքնաձիգից կրակոցներ է արձակել իր կրծքավանդակի շրջանում և ստացած հրազենային վնասվածքներով տեղափոխվել զինվորական հոսպիտալ, որտեղ ժամը 14:00-ին արձանագրվել է վերջինիս կենսաբանական մահը:

Զոհված զինծառայողի հարազատները չեն հավատում, որ նա ինքնասպանություն է գործել: Նրանք, ի նշան բողոքի, փետրվարի 2-ին երիտասարդի դին փորձել էին բերել Արմավիրից Երևան: Այդ ընթացքում նրանց մոտ էր գնացել ՀՀ պաշտպանության նախարար Դավիթ Տոնոյանը և հայտնել, որ որևէ ապացույց չունի, թե սա ինքնասպանություն է: Փետրվարի 2-ին ձերբակալվել էին Ավագյանի 3 ծառայակիցը, այդ թվում՝ Դավիթ Մովսիսյանը:

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here