ՀՀ նախկին վարչապետերը անձնական երաշխավորություն են ներկայացրել Ռոբերտ Քոչարյանի համար

0
64

Երևանի ընդհանուր իրավասության դատարանում` նախագահությամբ դատավոր Աննա Դանիբեկյանի, մեկնարկել է երկրորդ նախագահ, սահմանադրական կարգի տապալման մեջ մեղադրվող Ռոբերտ Քոչարյանի և մյուսների գործով դատական նիստը:

Նշենք, որ Հայաստանի նախկին վարչապետներ Վազգեն Մանուկյանի, Խոսրով Հարությունյանի, Կարեն Կարապետյանի, ինչպես նաև Արցախի նախկին վարչապետ Անուշավան Դանիելյանի` Ռոբերտ Քոչարյանի կալանքն անձնական երաշխավորությամբ փոխարինելու միջնորդությունն է քննարկվում: Դատավարությունն ընդհատվել էր մարտ ամսվա կեսին դատավորի առողջական խնդիրներով պայմանավորված բացակայության պատճառով:

Այսօր փաստաբանական թիմը ներկայացնում է Ռ․ Քոչարյանի խափանման միջոց կալանքը ՀՀ նախկին վարչապետների անձնական երաշխավորությամբ փոխելու միջնորդությունը։

Պաշտպաններից Հայկ Ալումյանը նշեց, որ իրենց միջնորդությունը երկու ամիս առաջ է ներկայացված եղել: Նա ներկայացնելով միջնորդությունը՝ ասաց, որ Ռոբերտ Քոչարյանի առողջական վիճակը կտրուկ վատթարացում է տեղի ունեցել, սակայն չցանկացավ հրապարակել նրա ախտորոշումը և դիմեց դատարանին, որ եթե այդ հարցը քննարկելու լինի, ապա քննարկվի փակ ռեժիմով:

«Նախկին երեք վարչապետեր՝ Վազգեն Մանուկյանը, Խոսրով Հարությունյանը և Կարեն Կարապետյանը, Արցախի նախկին վարչապետ Անուշավան Դանիելյանը պատրաստ են հանդիսանալ անձնական երաշխավորներ դատարանի կողմից Ռոբերտ Քոչարյանի կալանքից ազատելու գործում»,-ասաց նա:

Պաշտպանը հայտարարեց, որ գործի քննությունն իրականացվում է ձգձգումներով և դիմելով դատարանին՝ ասաց. «Երկու ամիս բացակայել եք, հիմա չեք դրսևորում առանձնահատուկ ջանասիրություն այս գործի քննության առումով, շաբաթը մեկ նիստ եք անում, հետո երկու ամսով բացակայում եք»:

Երաշխավոր ներկայացրած նախկին վարչապետները ներկայացան դատարան:

Դատական ակտը կհրապարակվի մայիսի 13-ին։

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here