Զինծառայողների արձակուրդ գնալու և վերադառնալու համար փոխհատուցման չափերը ավելացան

0
119

Կառավարությունն իր այսօրվա նիստում որոշում կայացրեց, որով ավելացրեց ՀՀ տարածքում 350 եւ ավելի կիլոմետր հեռավորությամբ արձակուրդի անցկացման վայր մեկնելու եւ վերադառնալու համար զինծառայողի տրանսպորտային ծախսերի համար զինծառայողներին տրվող փոխհատուցման չափերը:

Պաշտպանության նախարար Դավիթ Տոնոյանը նշեց, որ այս որոշումը վերաբերում է նաեւ ոստիկանական զորքերին եւ ԱԱԾ ծառայողներին:

Տոնոյանը պարզաբանեց, որ առաջ, եթե օրինակ ծառայության վայրը Մեղրիում էր, իսկ բնակության վայրը՝ Գյումրիում, փոխհատուցում ստանում էր միայն մինչեւ Երեւան հասնելու համար:

Նա ընդգծեց, որ խոսքը ոչ միայն պայմանագրային, այլեւ ժամկետային զինծառայողների մասին է:

Լրացուցիչ ծախսերի ավելացումը տարեկան կազմում է մոտ 150 մլն դրամ, որը կիրականացվի նախարարությանը հատկացված ընդհանուր միջոցների հաշվին: 

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here