Հաստատվել է կորոնավիրուսի 47 նոր դեպք. մահացել է 1 պացիենտ

283

Հաստատվել է կորոնավիրուսով վարակվածության 47 նոր դեպք: Այս մասին իր ֆեյսբուքյան էջում գրել է ՀՀ վարչապետ Նիկոլ Փաշինյանը:

«Երեկ արվել է 1003 հետազոտություն: Նոր հաստատված դեպքերը՝ 47: Մահացել է 1 պացիենտ: Բուժվածները՝ 121:

Ըստ այդմ, ունեցել ենք ակտիվ դեպքերի նվազում՝ 75-ով: Եթե նախորդ օրը հիվանդանոցներում բուժվում էր 780 մարդ, այսօր բուժվողների թիվը 705 է»,- գրել է նա

«75-ամյա պացիենտն ունեցել է կորոնավիրուսային հիվանդություն, հաստատված երկկողմանի ինֆիլտրատիվ թոքաբորբ։ Կինն ունեցել է նաև ուղեկցող խրոնիկ հիվանդություններ` զարկերակային գերճնշում III աստիճանի, ճարպակալում II-III աստիճանի: Բուժման ընթացքում զարգացել է սուր շնչական անբավարարություն III աստիճան, դիսթրես համախտանիշ, աթերոսկլերոզ գերազանցապես ուղեղի և կորոնար անոթների ախտահարումով»,- գրել է նա ԱՆ խոսնակը։

Այսպիսով, ապրիլի 18-ի ժամը 11.00-ի դրությամբ Հայաստանում հաստատվել է կորոնավիրուսով վարակման 1248 դեպք: Կորոնավիրուսի հետևանքով մահացել է 20 քաղաքացի: