Կառավարությունը հավանություն տվեց Պաշտպանության նախարարության ներկայացրած նախագծին, որով առաջարկվում է ավելացնել պարտադիր զինվորական ծառայության մեջ գտնվող շարքային և կրտսեր ենթասպայական կազմերի զինծառայողների դրամական ապահովության չափերը, այդ թվում՝ առանձնացնելով հակառակորդի հետ անմիջական շփման պայմաններում մարտական հերթապահության մեջ գտնվող զինվորների դրամական ապահովության չափը, որը կրկնակի է։
Վարչապետը նշեց, որ կարևոր և սիմվոլիկ քայլ է, թեև գումարները բացարձակ մեծ չեն։ «Հույս ունենք, որ առաջիկայում մեր ընդհանուր աշխատանքի արդյունքում մենք կկարողանանք այնպիսի որոշումներ ընդունել, որոնք գումարի առումով որոշակի գոհունակություն մեզ կպատճառեն», — ասաց Փաշինյանը։
Պաշտպանության նախարար Դավիթ Տոնոյանն էլ արձագանքեց՝ շարքային կազմն արդեն իսկ գոհ է լինելու։
Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:
Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով: