լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
13.06.2018 | արդար դատաքննության իրավունք

Ժիրայր Սեֆիլյանի ազատությունը վերջնական չէ

Ժիրայր Սեֆիլյանի ազատությունը վերջնական չէ
Վերաքննիչ քրեական դատարանն այսօր փոփոխեց Առաջին ատյանի դատարանի որոշումը, ըստ որի՝ Ժիրայր Սեֆիլյանը դատապարտվել էր 10,5 տարի ժամկետով ազատազրկման։ Դատավոր Ռուզաննա Բարսեղյանի նախագահությամբ Վերաքննիչ դատարանը կրճատեց Սեֆիլյանի պատժաչափը՝ այն հասցնելով 5,5 տարվա։ Մինչդեռ պաշտպանական կողմը արդարացում էր պահանջում։ Միևնույն ժամանակ դատարանը բավարարեց պաշտպանական կողմի միջնորդությունը՝ հիմք ընդունելով պատգամավորների երաշխավորագրերը՝ փոխեց Սեֆիլյանի խափանման միջոց կալանավորումը և նրան ազատ արձակեց դատարանի դահլիճից։ 

Սա նշանակում է, որ Ժիրայր Սեֆիլյանի պաշտպանները մեկ ամիս ժամանակ ունեն Վերաքննիչի որոշումը բողոքարկելու Վճռաբեկ դատարանում։ Եթե Վճռաբեկ դատարան բողոք չտարվի կամ Վճռաբեկ դատարանը Սեֆիլյանի բողոքը վարույթ չընդունի կամ վարույթ ընդունելուց հետո մերժի այն, Ժիրայր Սեֆիլյանը կրկին կհայտնվի անազատության մեջ՝ կրելու 5,5 տարվա պատժաչափը։ Միաժամանակ՝ Սեֆիլյանը ազատության մեջ կլինի այնքան ժամանակ, քանի դեռ Վճռաբեկը չի ընդունել մերժման որոշում։ 

Forrights.am-ի հետ զրույցում Ժիրայր Սեֆիլյանի պաշտպան Տիգրան Հայրապետյանը հաստատեց այս սցենարի հավանականությունը․ «Թուրը կախված է իր վրա։ Սա իրավաբանություն չէ։ Ոչ մի դատարան չի ասում՝ քեզ կալանավորում եմ 5 տարի ու նաև խափանման միջոցը փոխում եմ։ Ոնց որ Վերաքննիչ դատարանն ասի՝ իմ ակտը պիտի բեկանվի Վճռաբեկ դատարանի կողմից, է՛ եթե պիտի բեկանվի, թող միանգամից Վերաքննիչը բեկաներ»,- ասում է փաստաբան Տիգրան Հայրապետյանը։

Ժիրայր Սեֆիլյանի պաշտպանները Վերաքննիչ քրեական դատարանի այսօրվա որոշումը կբողոքարկեն Վճռաբեկ դատարանում։ Փաստաբան Հայրապետյանն ասում է՝ որևէ կերպ չի կարող ենթադրել՝ արդյո՞ք Վճռաբեկ դատարանը կբավարարի իրենց բողոքը, թե կմերժի և Սեֆիլյանը կհայտնվի անազատության մեջ։ Փաստաբանի համոզմամբ՝ Վերաքննիչի այս կիսատ-պռատ որոշումը հնարավոր է՝ Վճռաբեկ դատարանի ձեռքի գործն է, որը ազդեցության լծակներ է պահպանում դատական մյուս ատյանների վրա։ 

Ռոբերտ Անանյան
1619
Print
արդար դատաքննության իրավունք
Ռոբերտ Քոչարյանի նկատմամբ կիրառված կալանքի որոշման վերացումն ապօրինի է 13.08.2018 | արդար դատաքննության իրավունք

Ռոբերտ Քոչարյանի նկատմամբ կիրառված կալանքի որոշման վերացումն ապօրինի է

Հ վերաքննիչ քրեական դատարանի կողմից ՀՀ երկրորդ նախագահ Ռոբերտ Քոչարյանի նկատմամբ կիրառված կալանքի որոշման վերացումն ապօրինի է:  Այս մասին հայտնեցին ՀՀ Հատուկ քննչական ծառայության լրատվական ծառայությունից:

«ՀՀ վերաքննիչ քրեակ

Ռոբերտ Քոչարյանի կալանքի վերաբերյալ որոշումը կհրապարակվի երկուշաբթի 10.08.2018 | արդար դատաքննության իրավունք

Ռոբերտ Քոչարյանի կալանքի վերաբերյալ որոշումը կհրապարակվի երկուշաբթի

Վերաքննիչ քրեական դատարանում ավարտվեց  ՀՀ երկրորդ նախագահ Ռոբերտ Քոչարյանի կալանքը փոխելու և նրան գրավի դիմաց կալանքից ազատ արձակելու վերաբերյալ բողոքների քննությունը: Դատարանը որոշումը կհրապարակի օգոստոսի 13-ին՝ ժամը 16։00-ին։ Այս մասին շուրջ 2 ժամ դատարանի դիմաց սպասող լրագրողներին

Ժիրայր Սեֆիլյանը կրկին կհայտնվեր անազատության մեջ,  եթե  վճռաբեկ բողոք չներկայացվեր 10.08.2018 | արդար դատաքննության իրավունք

Ժիրայր Սեֆիլյանը կրկին կհայտնվեր անազատության մեջ, եթե վճռաբեկ բողոք չներկայացվեր

«Հիմնադիր խորհրդարան»-ի առաջնորդ Ժիրայր Սեֆիլյանի գործով Վճռաբեկ բողոք է ներկայացվել։  Նրա պաշտպան Արայիկ Պապիկյանը միջնորդել է արդարացման դատավճիռ կայացնել՝ ճանաչելով եւ հռչակելով  Ժիրայր Սեֆիլյանի անմեղությունը։  


լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: