լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
16.05.2018 | արդար դատաքննության իրավունք

Բողոքի ակցիա՝ ի պաշտպանություն «Սասնա Ծռեր»-ի (ֆոտոշարք)

Բողոքի ակցիա՝ ի պաշտպանություն «Սասնա Ծռեր»-ի (ֆոտոշարք)
Այսօր հերթական բողոքի ակցիան տեղի ունեցավ Արշակունյաց պողոտայում, ինչի պատճառով կեսօրից հետո այդ տարածքում երթևեկությունը կաթվածահար էր եղել:

Առավոտից մեկնարկած «Սասնա Ծռեր» քրեական գործով դատական նիստի ժամանակ, դատավոր Մեսրոպ Մակյանը 3 ժամով հեռացավ խորհրդակցան սենյակ՝ թվով 10 անդամների խափանման միջոց կալանքը վերացնելու կամ փոփոխելու մասին միջնորդությունները քննելու: Հայտարարված ընդմիջման ժամանակ, դահլիճում գտնվող «Սասնա Ծռեր» համակիրները միանգամից փակեցին դատարանին հարակից Արշակունյաց պողոտան և Տիգրան Մեծ փողոցը՝ թույլ չտալով երթևեկող մեքենաներին առաջ շարժվել: Ցուցարարները բոլորին հորդորում էին միանալ իրենց և պայքարել արդար դատաքննության համար:



«Գլխավոր արդյունքը մենք արդեն ունենք՝ գործադիր իշխանության փոփոխությունը: Բայց մենք ունենք ևս մեկ քայլ. արդարադատությունն ամենակարևոր գործիքն է, որով կարող է նախկին ռեժիմը հասնել ռեվանշի: Հենց այդ նախկին ռեժիմի վրա ճնշում գործադրելով մենք կհասնենք վերջնական հաջողության: Այլապես նման արդարադատություն և նման վերաբերմունք ապստամբների նկատմամբ անհանդուրժելի է հասարակության կողմից և մենք պարտավոր են թույլ չտալ, որ ռեժիմը՝ վերջին գործիքներն օգտագործելով, հասնի ռեվանշի»,- ակցիայի ժամանակ հայտարարեց Դավիթ Եղիազարյանը: Վերջինս «Սասնա Ծռեր» խմբավորման անդամ Գագիկ Եղիազարյանի եղբայրն է:



Ցուցարարները պաստառներով և վանկարկումներով փողոցում մնացին մինչև ընդմիջման ավարտը: Ապա ներս մտնելով դատարան և լսելով դատավոր Մակյանի որոշումն այն մասին, որ մերժում է ամբաստանյալներին ազատ արձակել կամ փոփոխել խափանման միջոց կալանքը, բոյկոտեցին նիստը և լքեցին դատական դահլիճը: Դուրս գալով Արշակունյաց պողոտա, նրանք կրկին փակեցին այն և կանգնեցրին փողոցի երթևեկությունը:



Վերջիններս պահանջում են Գլխավոր դատախազ Արթուր Դավթյանի հրաժարականը և «Սասնա Ծռեր» խմբավորման անդամների ազատ արձակումը:



Ռոզա Վարդանյան
668
Print
արդար դատաքննության իրավունք
«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան 19.08.2018 | արդար դատաքննության իրավունք

«Ազարյանը անաչառ դատավոր չի եղել. Նախկին իշխանությունների գործիքն է եղել և կա». Մարտի 1-ի նախկին կալանավոր Արամ Բարեղամյան

Հրազդան քաղաքի ՀԱԿ ներկայացուցիչ Արամ Բարեղամյանը, ով գլխին միջին ծանրության  վնասվածք էր ստացել 2008 թվականի Մարտի 1-ի վաղ առավոտյան, երբ հատուկ ջոկատայինները ցրել էին Ազատության հրապարակի նստացույցը, իր մաշկի վրա է զգացել դատավոր Ալեքսանդր Ազարյանի իրականացրած արդարադատությունը

Մեղադրող դատախազները տապալում են Վահագն Աբգարյանի գործով դատաքննությունը 17.08.2018 | արդար դատաքննության իրավունք

Մեղադրող դատախազները տապալում են Վահագն Աբգարյանի գործով դատաքննությունը

Ալավերդում հայտնի հեղինակություն Վահագն Աբգարյանի դատաքննությունը փակուղի է մտել: Երեք ամիս է, ինչ նիստեր են նշանակվում, սակայն քննությունը ոչ մի կերպ չի սկսվում: Մեկ փաստաբանները չեն ներկայանում դատարան, մեկ մեղադրողները: Ոչ մի անգամ դատարան չեն եկել նաև տուժողի՝ սպանված Կամո Փիրուզյանի հ

Ղարաբաղի հարցի լուծող-չլուծողը Կառավարությունը չէ, այլ ժողովուրդը 17.08.2018 | արդար դատաքննության իրավունք

Ղարաբաղի հարցի լուծող-չլուծողը Կառավարությունը չէ, այլ ժողովուրդը

«Ոմանք ասում են, թե եկել եմ «հող հանձնելու»…բայց իրենք իրենց հետ են շփոթում, քանի որ հող հանձնելուց բացի, այլ բանի մասին չեն բանակցել: Հայտարարում եմ՝ տիրապետում եմ բանակցային գործընթացի ողջ բովանդակությանը, գիտեմ բոլոր փաստաթղթերը, դրա համար էլ հիմա ասում եմ՝ Տո՛, այ բանակ թալանածնե՜ր, այ

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: