լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
9.02.2018 | արդար դատաքննության իրավունք

Ժիրայր Սեֆիլյանն առանց վրդովմունքի է լսել մեղադրական ճառը

Ժիրայր Սեֆիլյանն առանց վրդովմունքի է լսել մեղադրական  ճառը
Երևան քաղաքի ընդհանուր իրավասության առաջին ատյանի դատարանի Շենգավիթի նստավայրում այսօր շարունակվող «Ժիրայր Սեֆիլյանի և մյուսների վերաբերյալ» քրեական գործի ժամանակ մեղադրական կողմը պահանջեց 11 տարի ազատազրկման ենթարկել «Հիմնադիր խորհրդարահ»-ի նախագահ Ժիրայր Սեֆիլյանին: 

Մեղադրական ճառը հրապարակվեց դատախազ Հակոբ Ենոքյանի կողմից: Վերջինս մեկ ժամից ավելի մանրամասն անդրադարձավ Ժիրայր Սեֆիլյանին, Գևորգ Սաֆարյանին, Ներսես Պողոսյանին, Սասունիկ Կիրակոսյանին, Գալուստ Գրիգորյանին, Սասունիկ Կիրակոսյանին և Հրայր Թոփչյանին առաջադրված մեղադրանքներին, ապա նախաքննական և դատաքննական փուլերի ամփոփ նկարագիրը ներկայացնելով՝ ամփոփեց իր ճառը: 

Դատախազ Ենոքյանը մեղադրական ճառում հայտարարեց, որ դեռ 2014թ մայիս ամսից Ժիրայր Սեֆիլյանը, Հայոց Ցեղասպանության 100-րդ տարելիցին զանգվածային անկարգություն կազմակերպելու մտադրությամբ, նախնական համաձայնության գալով մի խումբ մարդկանց հետ, թռուցիկների և հանրահավաքների միջոցով սադրիչ ելույթներ է ունեցել՝ դրդելով հանրությանը զինված պայքարի մեջ մտնել իրենց հետ: 

«Քննչական գործողությունների ժամանակ «Հիմնադիր խորհրդարան» և «Սարդարապատ» գրասենյակներից հայտնաբերվել և առգրավվել է մի շարք ռետինե և ինքնաշեն մահակներ, թռուցիկներ, դանակներ, զինամթերք, իսկ ավտոմեքենայից՝ 2 ինքնաձիգեր»,- ասվում էր ճառում: 

Մեղադրողն առանձին-առանձին անդրադարձավ այդ գործընթացների ժամանակ յուրաքանչյուր մեղադրյալի դերին և գործողություններին, ըստ դրանց էլ՝ դատավորից համապատասխան պատժաչափ պահանջեց: Մասնավորապես, Հակոբ Ենոքյանը միջնորդեց՝ Շուշիի առանձնակի հրամանատար Ժիրայր Սեֆիլյանին դատապարտել 11 տարի ազատազրկմամբ, որպես մեղմացուցիչ հանգամանք հաշվի առնելով նրա անցած մարտական ուղին և իր խնամքի տակ գտնվող անչափահաս երեխաներին, իսկ որպես ծանրացնող հանգամանք՝ առանձնապես ծանր հանցագործություն իրականացնելու մտադրությունը: 

«Հիմնադիր խորհրդարան»-ի անդամ Գևորգ Սաֆարյանին դատապարտել 4 տարի 6 ամիս ժամկետով, որպես մեղմացուցիչ հանգամանք հաշվի առնելով խնամքի տակ գտնվող տարեց մորը: Ի դեպ, նշենք, որ դատախազ Ենոքյանը որպես պատժի սկիզբ նշեց 2017թ. դեկտեմբեր ամիսը, այնինչ «Տոնածառի գործ»-ով Գևորգ Սաֆարյանն արդեն իսկ 2 տարի ազատազրկված է եղել: Սասունիկ Կիրակոսյանին դատապարտել 4 տարի 6 ամիս ժամկետով: Ներսես Պողոսյանին դատապարտել 4 տարի ժամկետով, որպես մեղմացուցիչ հանգամանք նշելով վերջինիս խմաքի տակ գտնվող 3 անչափահաս երեխաններին ու հիվանդ մորը: Գալուստ Գրիգորյանին և Հրայր Թոփչյանին համապատասխանաբար 3-ական տարի ազատազրկում, իսկ ամենաքիչ պատժաչափը սահմանվեց Հովհաննես Պետրոսյանի համար՝ 2 տարի, ինչը բորբոքեց Ներսես Պողոսյանին. 

«Արդարացրեք, արա՛, արդարացրեք: Սրան հենց դատարանից էլ ազատ արձակեք, որովհետև ես հետո սրան տենալու եմ, լսեցի՞ր, արա՜»: Նկատենք, որ դատապարտման ժամկետները լսելու ընթացքում որևէ էմոցիոնալ պոռթկում չեղավ Սեֆիլյանի և մյուսների մոտ: Հակառակը, Ժիրայր Սեֆիլյանը մինչև վերջ անվրդով մնաց, ինչը չենք կարող ասել ապակիներից այս կողմ գտնվող համախոհների մասին: Նրանք ժամանակ առա ժամանակ բղավոցներով էին ընդունում դատախազի հնչեցրած խոսքերը, իսկ վերջնական բորբոքվեցին, երբ Հակոբ Ենոքյանը ազատազրկման ժամկետները սահմանեց: 

Գևորգ Սաֆարյանն ապակուց այն կողմ փորձեց հանգստացել ներկաներին. «Ժողովուրդ ջան, հանգիստ, մի լարվեք, սենց էլ պետք ա լիներ, բա գիտեինք ի՞նչ»: 

Փոքր ընդիջումից հետո, պաշտպանական ճառով հանդես եկավ Սասունիկ Կիրակոսյանի պաշտպան Կարեն Հակոբյանը: Վերջինս իր հերթին անդրադարձ կատարեց քննչական գործողություններից մինչև դատավարական գործընթացին, նշելով այն կետերեն ու որոշումները, որոնք, ըստ իրեն,  անօրինակ են: Պաշտպան Հակոբյանը շեշտեց, որ մեղադրող կողմը վրեժ է լուծում իր պաշտպանյալից այն բանի համար, որ վերջինս հրաժարվել է նախաքննության և դատաքննության ժամանակ ցուցմունքներ տալուց. 

«Սասունիկ Կիրակոսյանին 4 տարի 6 ամիս ազատազրկման դատապարտելը տրամաբանությունից դուրս է: Նա մասնակցել է արցախյան պատերազմին, ունի լուրջ առողջական խնդիրներ, որոնք ավելի են խորացել ՔԿՀ-ում:  Դուք նրան տանջանքների եք դատապարտում, որը կարող է անդառնալի հետևանքներ ունենալ: Սասունիկ Կիրակոսյանն իր դատավարական իրավունքներից օգտվելով է հրաժարվել ցուցմունք տալուց և հիմա դրա համար պատժվում է, Դուք անմարդկային պատիժ միջնորդեցիք»,- հայտարարեց պաշտպանը: 

Նիստի ավարտից առաջ, Ներսես Պողոսյանի պաշտպան Արայիկ Պապիկյանը հայտնեց, որ մինչև փետրվարի 16-ը ներառյալ գործադուլ է հայտարարում (ի նշան բողոք` ԱԺ-ի կողմից այսօր ընդունած փաստաբաններին մինչև 100.000 դրամ տուգանելու մասին օրենքի-խմբ.) : 

 Դատավոր Տաթևիկ Գրիգորյանը որոշեց քրեական գործի քննությունը ևս մեկ շաբաթով հետաձգել, նշանակելով փետրվարի 23-ին, այդ ժամանակ Ժիրայր Սեֆիլյանի պաշտպան Տիգրան Հայրապետյանը դատավորից լրացուցիչ ժամանակ խնդրեց, նշելով, որ «նման անմարդկային ճառից հետո 2 շաբաթը բավարար ժամանակ չէ, որ պաշտպանական ճառ գրի»: Դատավորն առարկեց պաշտպանի հայտարարությանը և որոշումը թողեց ամփոփոխ: 

Ռոզա Վարդանյան 
6062
Print
արդար դատաքննության իրավունք
Վերջին զանգը»՝ Սասնա ծռերի դատական նիստը հետաձգելու պատճառ 25.05.2018 | արդար դատաքննության իրավունք

Վերջին զանգը»՝ Սասնա ծռերի դատական նիստը հետաձգելու պատճառ

«Սասնա ծռեր» խմբի՝ դատավոր Արշակ Վարդանյանի վարույթում քննվող գործով այսօրվա դատական նիստը հետաձգվել է։ Ոստիկանության Երևան քաղաքի վարչությունից գրություն է ուղարկվել Երևանի ընդհանուր իրավասության դատարանի Շենգավիթի նստավայր։ Ոստիկանությունը տեղեկացրել է, որ մայիսի 25-ին Երևանում և Հայա

71 ամյա Խաչատուր Գիչյանը դատաբժշկական փորձաքննության կենթարկվի 24.05.2018 | արդար դատաքննության իրավունք

71 ամյա Խաչատուր Գիչյանը դատաբժշկական փորձաքննության կենթարկվի

Ավան եւ Նոր Նորք դատարանում այսօր շարունակվել է «Սասնա Ծռեր» քրեական գործի քննությունը՝ 11 ամբաստանյալներով։ Այսօր խափանման միջոց կալանքը վերացնելու միջնորդությամբ հանդես եկավ Կարո Եղնուկյանի պաշտպան Տիգրան Հայրապետյանը և շուրջ 2 ժամ խորհրդակցական սենյակում անցկացնելուց հետո, դատավոր Արտո

«Ինձ համար մեծ պատիվ է հայտարարել, որ այս պահից դադարեցված է պարոն Չուգասզյանի հացադուլը» 24.05.2018 | արդար դատաքննության իրավունք

«Ինձ համար մեծ պատիվ է հայտարարել, որ այս պահից դադարեցված է պարոն Չուգասզյանի հացադուլը»

Շուրջ 30 օր հացադուլի մեջ գտնվող «Հիմնադիր խորհրդարան»-ի նախագահ Գարեգին Չուգասզյանը, ՀՀ վարչապետ Նիկոլ Փաշինյանի հետ հանդիպումից հետո,  դադարեցրեց հացադուլը: Այս մասին լրատվամիջոցներին հայտարարեց անձամբ վարչապետը.  


լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: