լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
6.10.2017 | արդար դատաքննության իրավունք

դատավորը չվերացրեց հրապարակայնացման դեմ արգելքը

դատավորը չվերացրեց հրապարակայնացման դեմ արգելքը
Շենգավիթ վարչական շրջանի ընդհանուր իրավասության դատարանում այսօր շարունակվեց «Ժիրայր Սեֆիլյանի և մյուսների վերաբերյալ» քրեական գործի քննությունը: Արդեն 3-րդ շաբաթն է դատարանն անցել է դատավարական փուլին. գործով հարցաքննվելու են 14 վկաnներ: 

Նիստի սկզբում, դատավորը սանկցիա՝ նախազգուշացում կիրառեց ամբաստանյալներ Ներսես Պողոսյանի, Գալուստ Գրիգորյանի, Հրայր Թոփչյանի և Սասունիկ Կիրակոսյանի նկատմամբ. վերջիններս ոտքի չկանգնելը գնահատելով անհարգալից վերաբերմունք դատարանի նկատմամբ:  Մինչ վկաների հարցաքննությունը Ներսես Պողոսյանի պաշտպան Արայիկ Պապիկյանը միջնորդություն ներկայացրեց՝դատական գործընթացի տեսանկարահանումն արգելելու մասին որոշումը վերանայելու պահանջով: 

Պաշտպանը նշեց, որ նման արգելքն օրինական չէ  և չի հետապնդում որևէ օրինաչափ նպատակ, ուստի տեսանկարահանման արգելքը պետք է վերացվի:  

«Սահմանափակումը՝ հստակ նպատակներ ունի. հանրությանն առավելագույնս զերծ պահել տեղեկանալու իրավունքից, ինչպես նաև սահմանափակել քրեական գործի՝ աբսուրդի աստիճակն հասնող նյութերի հրապարակայնացումը», հայտարարեց փաստաբանը: Ներես Պողոսյանի մյուս պաշտպանը՝ Նինա Կարապետյանցը հավելեց, որ նման գործունեությունը խայտառակում է արդեն իսկ խայտառակված դատական համակարգը: Նա կարծում է, որ արգելքի որոշումը նպատակ ունի հանրության աչքից հեռու պահել այս դատավարությունը։ 

Դատավորը մերժեց միջնորդությունը, նշելով, որ տեսանկարահանումն արգելված է, քանի որ ուղիղ եթերի պայագայում չեն պահպանվի վկաների իրարից անջատ լինելու և նրանց ցուցմունքը գաղտնի պահելու սկզբունքը: Պաշտպան Պապիկյանը իր հաջորդ միջնորդությամբ բացարկ հայտնեց մեղադրող Պետրոս Պետրոսյանին: Վերջինս նախորդ դատական նիստին դիմել էր ամբաստանյալ Ներսես Պողոսյանին՝ «Արա՛, բան ես ասում, կայնի բարձր ասա» բառակապակցությամբ: 

Փաստաբանը հայտարարեց, որ դատախազը նման կերպ արտահայտվելով վիրավորել և անհարգալից վերաբերմունք է ցույց տվել ոչ միայն իր պաշտպանյալի, այլև դատավարական կողմերի նկատմամբ: Դատավորը, սակայն մերժեց միջնորդությունը, այն համարելովց անհիմն :  

Արայիկ Պապիկյանը ևս մեկ միջնորդություն ներկայացրեց, Ներսես Պողոսյանի խափանման միջոցը փոփոխելու և գրավի դիմաց նրան ազատ արձակելու մասին, սակայն դատավորը մերժեց այն՝ նույնաբովանդակ և առանց նոր փաստարկների միջնորդություն համարելով: Արայիկ Պապիկյանի թվով 4-րդ միջնորդությունը վերաբերում էր դատավոր Գրիգորյանին ինքնաբացարկ հայտարարելուն: 

«Դատավոր Գրիգորյանն օրենքով սահմանված պարտականությունները և լիազորությունները խախտելով, դրսևորել է կողմնակալություն և չի կարող լինել օբյեկտիվ, ինչը չի բխում օրենսդրության նորմերից և գործի փաստերից, այլ հիմնված է դրանից դուրս գտնվող այլ հանգամանքների վրա»,- նշված էր միջնորդության մեջ: 

Դատարանը մերժեց ինքնաբացարկի միջնորդությունը և անցավ վկաների հարցաքննությանը: Վկաներից Աննա Ա.-ն դատարանին հայտնեց, որ այս գործով ամբաստանյալներից ճանաչում և շփում է ունեցել Ժիրայր Սեֆիլյանի հետ, աշխատել է նաև «Սասնա Ծռեր»-ի գործով մեղադրյալ Վարուժան Ավետիսյանի հետ: Ամբաստանյալ Գևորգ Սաֆարյանին ճանաչել է Մաշտոցի պուրակում կազմակերպված ակցիաների ժամանակ: Վկան աշխատել է «Առանցք» ՀԿ-ում, որպես թարգմանիչ, իսկ անհրաժեշտության դեպքում լուսաբանել «Նախախորհրդարան»-ի կազմակերպած ցույցերն ու երթերը:  

Պաշտպան Նինա Կարապետյանցը հետաքրքրվեց վկայից. արդյո՞ք ճանաչում էր իր պաշտպանյալ Ներսեսին: Լսե՞լ էր զենքերի, ինքնաձիգների մասին, որոնք առնչվում են քրեական գործի հետ: Վկան չէր ճանաչում Ներսեսին, իսկ զենքերի մասին չէր լսել, անտեղյակ էր: Մյուս երկու վկաները նույնպես չէին ճանաչում ամբաստանյալներից որևէ մեկին: 

Շուշիի առանձնակի գումարտակի հրամանատար Ժիրայր Սեֆիլյանը մեղադրվում է մի շարք ծանր հոդվածներով՝ զանգվածային անկարգությունների նախապատրաստում, կազմակերպված խմբի կազմում զենքի ձեռքբերում, որի միջոցով պիտի զավթեր ռազմավարական նշանակության շենքեր։ Սեֆիլյանն ամբողջությամբ շինծու է համարում մեղադրանքը:   

 Հաջորդ դատական նիստը տեղի կունենա հոկտեմբերի 13-ին:             

 Ռոզա Վարդանյան  
2773
Print
արդար դատաքննության իրավունք
«Այդ  մարդիկ չեն գնացել մարդ խփելու, դա եղել է ստեղծված իրավիճակում» 21.06.2018 | արդար դատաքննության իրավունք

«Այդ մարդիկ չեն գնացել մարդ խփելու, դա եղել է ստեղծված իրավիճակում»

« «Սասնա Ծռեր»-ը ոչ թե գնացել են մարդ խփելու, այլ ուղղակի դա ստացվել է ստեղծված իրավիճակում: Նրանք մարդասպան չեն, ես նրանց ճանաչում եմ»,- այսօր, հենց դատարանում՝ լրագրողների հետ զրույցի ժամանակ հայտարարեց Արցախի հերոս Սամվել Բաբայանը, ով ընդամենը մի քանի օր առաջ է ազատ արձակվել: &nb

« Մեզ տվեք հնարավորություն՝լծվելու հայրենաշինության ու բանակաշինության գործին ».Պ.Մանուկյան 21.06.2018 | արդար դատաքննության իրավունք

« Մեզ տվեք հնարավորություն՝լծվելու հայրենաշինության ու բանակաշինության գործին ».Պ.Մանուկյան

«Հիմա ներում-բեկում չկա, ծեծել, ջարդել դավաճաններին՝ էդ Նիկոլից սկսած»,- նման խոսակցությունները չափից դուրս գերակշռում էին «Սասնա Ծռեր» խմբավորման գործով առկա ապացույց հանդիսացող տեսանյութերում ու ձայնագրությունենրում, որոնք այսօր հրապարակվեցին Երևան քաղաքի ընդհանուր իրավ

«Սասնա Ծռեր» անդամ Գագիկ Եղիազարյանն ազատ չարձակվեց 21.06.2018 | արդար դատաքննության իրավունք

«Սասնա Ծռեր» անդամ Գագիկ Եղիազարյանն ազատ չարձակվեց

Երևան քաղաքի ընդհանուր իրավասության առաջին ատյանի դատարանի Շենգավիթի նստավայրում երեկ իրադարձությունների պակաս չզգացվեց: Դատավոր Մեսրոպ Մակյանի նախագահությամբ ընթացող «Սասնա Ծռեր» քրեական գործի քննության ժամանակ, խմբավորման համակիրներից բացի, նիստերի դահլիճում էին գտնվում նաև Շուշիի առան

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: