լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
9.02.2018 | խոսքի ազատություն

«Մեդիալաբ»-ի գլխավոր խմբագրին սպառնացող անձի ինքնությունը պարզվել է

«Մեդիալաբ»-ի գլխավոր խմբագրին սպառնացող անձի ինքնությունը պարզվել է
«Մեդիալաբ»-ի գլխավոր խմբագիր Մարիաննա Գրիգորյանի նկատմամբ սպառնալիքներով գրառում կատարած անձի ինքնությունը պարզվել է, ով հրավիրվել է ոստիկանություն՝ բացատրություն տալու: «Արմենպրես»-ի հաղորդմամբ` լրագրողների հետ զրույցում այս մասին ասաց ՀՀ գլխավոր դատախազ Արթուր Դավթյանը:

«Մեդիալաբ»-ի գլխավոր խմբագիր Մարիաննա Գրիգորյանի նկատմամբ սպառնալիքների վերաբերյալ հրապարակումներն անմիջապես ուղարկվել են ՀՀ  ոստիկանություն՝ նյութեր նախապատրաստելու նպատակով: Նյութեր նախապատրաստելու փուլում պարզվել է այն անձը, ով  համապատասխան գրառումներ է կատարել խմբագրի նկատմամբ: Նա հրավիրվել է ոստիկանություն, նրանից վերցվել է բացատրություն: Դրա արդյունքում նյութերում քրեական գործ հարուցելու հիմքերը բավարար համարելով՝ հսկողություն իրականացնող դատախազը այդ փաստով հարուցել է քրեական գործ: Քրեական գործն ուղարկվել է Քննչական կոմիտե նախաքննություն իրականացնելու համար»,- նշեց ՀՀ գլխավոր դատախազը:

Նրա խոսքով` քննիչը այս քրեական գործի վարույթ կընդունի, կհրավիրի հաղորդում տված անձին, նրան կտա տուժողի կարգավիճակ և կիրականացվի օբյեկտիվ քննություն:

«Քրեական դատավարության օրենսգիրքը նյութերի նախապատրաստման համար տրամադրում է տասնօրյա ժամկետ, և այդ ժամկետում էլ կատարվել են նյութերի նախապատրաստումն ու քրեական գործի հարուցումը,- ասաց Դավթյանը:

Ավելի վաղ, ՀՀ դատախազությունը «Մեդիալաբ» կայքի խմբագրության նկատմամբ սոցիալական կայքերում հնչեցված սպառնալիքների վերաբերյալ ԶԼՄ-ների հրապարակումները ՀՀ գլխավոր դատախազությունն ուղարկել էր ՀՀ ԿԱ ոստիկանության կազմակերպված հանցավորության դեմ պայքարի գլխավոր վարչություն։
504
Print
խոսքի ազատություն
Հայաստանը ձևավորել է անհրաժեշտ քաղաքական կամքը 28.06.2018 | խոսքի ազատություն

Հայաստանը ձևավորել է անհրաժեշտ քաղաքական կամքը

Հայաստան - Եվրամիություն հարաբերությունները երբեք այսքան դրական ու հեռանկարային չեն եղել, ինչպես այսօր։ Սրանում իր անուրանալի ներդրումն ունի Պյոտր Սվիտալսկին, որը մեզ ներկայանում է ոչ միայն որպես Հայաստանում ԵՄ պատվիրակության դեսպան, այլև բարձր արժեքներ կրող ու տարածող գործիչ։ 
«Ես վստահ եմ, որ որևէ բացահայտում չի լինի». Երևանի նոր ոստիկանապետը՝ լրագրողին ապտակելու մասին 26.06.2018 | խոսքի ազատություն

«Ես վստահ եմ, որ որևէ բացահայտում չի լինի». Երևանի նոր ոստիկանապետը՝ լրագրողին ապտակելու մասին

«Ես պնդում եմ, որ Երևանի նորանշանակ ոստիկանապետ Արտակ Պողոսյանը ոչ միայն իմ հանդեպ բռնություն է գործադրել, այլև վերահսկել է հանցագործությունների մի ամբողջ փաթեթ, որը տեղի է ունեցել Կենտրոնի ոստիկանությունում, երբ նա Կենտրոնի ոստիկանապետն էր»,- այսօր Forrights.am-ի հետ զրույցում ասաց 

Լրագրողի աշխատանքը խոչընդոտելու մեջ մեղադրվող ոստիկանապետի լիազորությունները կասեցվել են 20.06.2018 | խոսքի ազատություն

Լրագրողի աշխատանքը խոչընդոտելու մեջ մեղադրվող ոստիկանապետի լիազորությունները կասեցվել են

«Իրազեկ քաղաքացիների միավորում» հասարակական կազմակերպության լրագրող Տիրայր Մուրադյանի նկատմամբ մեկ տարվա ընթացքում տեղի է ունեցել երեք բռնության դեպք, որոնց ժամանակ խոչընդոտվել է նրա մասնագիտական գործունեությունը և այդ դեպքերից երեքով էլ նա ճանաչվել է որպես տուժող: 
լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: