լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
 Լրագրողներ Հանուն Մարդու իրավունքների իրավապաշտպան ՀԿ-ն հիմնադրվել է 2008թ.-ին` նախագահական ընտրություններից հետո, երբ հետընտրական զարգացումների՝ իշխանության բռնի գործողությունների արդյունքում, սպանվեցին 10 ՀՀ քաղաքացիներ և բռնության ենթարկվեցին խաղաղ հանրահավաքների բազմաթիվ մասնակիցներ:  

 Մարդու իրավունքներով մտահոգ մի խումբ լրագրողներ ստեղծեցին կազմակերպություն, որը հնարավորություն էր տալիս պաշտպանել մարդկանց խախտված իրավունքները հրապարակայնացման միջոցով, ի վերջո պաշտպանել մարդու իրավունքները առանց վնասելու այդ իրավունքը: 
 
 Լրատվամիջոցները հզոր ուժ են, որոնք կարող են ունենալ թե՛ դրական և թե՛ բացասական ազդեցություն տվյալ իրադարձության վրա: Լրատվամիջոցները այն կարևորագույն գործիքներն են, որոնք իրազեկում են հանրության լայն շրջանակներին մարդու իրավունքների խախտումների մասին, ինչը մոբիլիզացնում է  հանրությանը և մղում պայքարի:  Այս ոլորտը լուսաբանող լրագրողը պետք է կոմպետենտ լինի թեմային:

 Լուսաբանման էֆեկտիվությունը սերտորեն կապված է իրավապաշտպանների, փաստաբանների հետ համագործակցության արդյունավետությունից: Իրավապաշտպան լրագրությունը պահանջում է իրավական գիտելիքներ, ցանկություն և պատրաստակամություն՝ բախվելու բազմաթիվ դժվարությունների և խնդիրների:  

    Լուսաբանելով այս թեմաները՝ լրագրողներն առավել հաճախ բախվում են իրավական և էթիկական խնդիրների հետ: Լրագրողը առաջին հերթին պետք է առաջնորդվի օբյեկտիվության, անկողմնակալության և հավասարակշռության սկզբունքով, պետք է առկա լինի նաև մարդուն օգնելու գիտակցումը:   

 Լրագրողներ Հանուն մարդու իրավունքների իրավական լրատվական կայքը առաջնորդվում է  վերը նշված սկզբունքներով: Սա մի հարթակ է, ում կարող են դիմել ՀՀ բոլոր այն քաղաքացիները՝ լրագրողներ, ակտիվիստներ, ընդդիմադիրներ և այլոք, ում իրավունքները խախտվել են և ում համար թանկ են մարդու իրավունքները Հայաստանում:

  www.forrights.am կայքի ստեղծումը հնարավոր դարձավ Եվրասիա Համագործակցություն Հիմնադրամի աջակցության միջոցով:   

 Մեր նախագծերից մեկն է «Հաշվետու և Թափանցիկ Բանակ Քաղաքացիական Վերահսկողության Միջոցով»:  

 Ծրագրի նկարագրություն. Լեռնային Ղարաբաղի սահմաններին լարվածության պատճառով երկու կողմերից հաճախ զոհեր են լինում: 2014 թ., օրինակ, Հայաստանի Զինված ուժերում 46 մահվան դեպք է գրանցվել, որից միայն 26-ը պայմանավորված է եղել հրադադարի ռեժիմի խախտմամբ: Սա վերջին տարիների մահվան միջին ցուցանիշն է, բայց մահվան դեպքերի պատճառը սովորաբար միջանձնային հարաբերություններն են հայոց բանակի ներսում: Մարդու իրավունքների ոտնահարման և բանակում բռնության բազմաթիվ դեպքեր չէին բացահայտվում հասարակությանը տեղեկացնելու համար: Զանգվածային լրատվամիջոցները բանակում մահվան դեպքերի մասին որոշակի տեղեկություններ էին հրապարակում, սակայն դրանք չէին կարող արտացոլել ամբողջ պատկերը:  

 «Լրագրողներ Հանուն Մարդու Իրավունքների »ՀԿ-ն իրականացրել է Զինված ուժերում մահվան դեպքերի վերաբերյալ լրագրողական հետաքննություն և մարդու իրավունքների խախտումների վերաբերյալ հարցեր է հարուցել դատավարության ու իրավապահ մարմինների բացակայության ժամանակ: Մեր հոդվածները խթանել են հասարակական քննարկումները, որոնք էլ իրենց հերթին ընդլայնել են քաղաքացիական գործունեությունը:   
  
  Պաշտպանության նախարարության և «Լրագրողներ Հանուն Մարդու Իրավունքների» ՀԿ-ի համագործակցությունը նպաստել է Զինված ուժերի թափանցիկությանը և հաշվետվողականության բարձրացմանը` հասնելով հանրության վստահության և տարածաշրջանում լարվածության նվազեցման:

 

տեսանյութ

Գոնե որ մի կռիշ լիներ...

լուսանկար

ForRights...

ռասմավարական դատավարություններ

Կապիտան Անդրանիկ Մկրտչյ ...
լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: