լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
13.02.2018 | խոշտանգումներ

«Ընդդեմ իրավական կամայականության» ՀԿ-ն դատապարտում է Երևանի ավագանու նիստում բռնի ուժի կիրառումը

«Ընդդեմ իրավական կամայականության» ՀԿ-ն դատապարտում է Երևանի ավագանու նիստում բռնի ուժի կիրառումը
Բռնություն է կիրառվել նաև լրագրողների նկատմամբ

2018 թվականի փետրվարի 1 Երևանի ավագանու նիստի ժամանակ Հանրապետական խմբակցությունների ներկայացուցիչների կողմից  բռնի ուժի է կիրառվել «Երկիր Ծիրանի» ներկայացուցչի նկատմամբ:  

«Երկիր Ծիրանի»-ի անդամները դահլիճ են բերել Նուբարաշեն թաղամասում շաբաթներ շարունակ փողոց արտահոսող և թաղամասում գարշահոտություն տարածող  կոյուղաջրով լի շիշը ու փորձել այն հանձնել  քաղաքապետ Տարոն Մարգարյանին։  

Հանրապետական խմբակցության ավագանու անդամների և  «Երկիր Ծիրանի» խմբակցության անդամների միջև հրմշտոց է սկսվել։ Հանրապետականները նիստերի դահլիճից բռնությամբ  դուրս են  հանել  ընդդիմադիր խմբակցության անդամներին։ «Ազատություն» լրատվամիջոցի կողմից հրապարակված տեսաձայնագրության մեջ երևում է, թե ինչպես է Հանրապետականի ավագանու անդամը երկու անգամ ապտակում «Երկիր Ծիրանի»-ից Մարինա Խաչատրյանին և քաշում վերջինիս մազերը ։ 

Բռնություն է կիրառվել նաև լրագրողների նկատմամբ։ Քաղաքապետարանի հասարակայնության հետ կապերի վարչության աշխատակիցներն ու քաղաքապետի օգնականները խոչընդոտել են լրագրողների աշխատանքին։ 

Հիշեցնենք, որ ծեծը  կամ այլ բռնի գործողություններ կատարելը պատժվում է ՀՀ քրեական օրենսգրքի 118-րդ հոդվածով, ինչպես նաև պատժվում է ՀՀ քրեական օրենսգրքի 164-րդ հոդվածով  լրագրողի մասնագիտական օրինական գործողությունները խոչընդոտելը: 

«Ընդդեմ իրավական կամայականության» հասարակական կազմակերպությունը դատապարտում է Երևանի ավագանու նիստի ժամանակ տեղի ունեցած բռնի գործողությունները, ինչպես նաև լրագրողների աշխատանքի խոչընդոտում։ 

«Ընդդեմ Իրավական կամայականության» հասարակական կազմակերպությունը կոչ է անում ՀՀ գլխավոր դատախազությանը իրականացնել անաչառ և թափանցիկ քննություն և քրեական պատասխանատվության  ենթարկել հանցագործություն կատարած ավագանու անդամներին:  

Կազմակերպությունը իր պատրաստակամությունն է հայտնում տրամադրել իրավական և հոգեբանական աջակցություն Մարինա Խաչատրյանին։            
702
Print
խոշտանգումներ
Սերժ Սարգսյանի եղբորորդին առևանգել և խոշտանգել է 49-ամյա մի տղամարդու 17.07.2018 | խոշտանգումներ

Սերժ Սարգսյանի եղբորորդին առևանգել և խոշտանգել է 49-ամյա մի տղամարդու

Ոստիկանության քրեական հետախուզության գլխավոր վարչության ծառայողները հետախուզական ծավալուն միջոցառումներով պարզել են, որ նախորդ տարի Երևանում բնակվող 49-ամյա մի տղամարդու առևանգել են ու ծեծի ենթարկել։

Նախնական տվյալներով՝ տղամար

Մանրանկարիչը պնդում է՝ իր դեմ մահափորձ է կազմակերպել Քրեակատարողական ծառայության նախկին պետը 13.07.2018 | խոշտանգումներ

Մանրանկարիչը պնդում է՝ իր դեմ մահափորձ է կազմակերպել Քրեակատարողական ծառայության նախկին պետը

Օրեր առաջ իր հետ պատահածը մանրանկարիչը սպանության փորձ է որակում: Հուլիսի 2-ին Կարապետ Գևորգյանը բանջարեղեն գնելու նպատակով ավտոմեքենայով գնացել է Գարեգին Նժդեհի հրապարակին կից շուկա: Իր պատմելով՝ չի հասցրել վճարել ապրանքի համար, երբ հանկարծակի վրա են հասել երկու տղամարդ ու իր հետ լե

«Սպառնում էր, որ կսպանի մեզ, եթե ես ծնկի չգամ իր առաջ».  վարդավառ, որը չի մոռացվի 11.07.2018 | խոշտանգումներ

«Սպառնում էր, որ կսպանի մեզ, եթե ես ծնկի չգամ իր առաջ». վարդավառ, որը չի մոռացվի

Կոտայք գյուղի 42 ամյա բնակիչ Ավետիք Սարգսյանը իր անձնական խայտառակությունն է համարում Վարդավառի տոնին՝ հուլիսի 8-ին նախկին ոստիկանապետ Վլադիմիր Գասպարյանի եղբոր՝ Կարեն Գասպարյանի առանձնատան բակում տեղի ունեցած միջադեպը: Ինչպես  հայտնի է, Գասպարյանի եղբայրը զրկել է Ավետիք Սարգսյանի

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: