լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
13.05.2014 | ռազմավարական դատավարություններ

Զինվորի ինքնասպանությունը բացառում են և՛ տուժող, և՛ պաշտպանական կողմերը

Զինվորի ինքնասպանությունը բացառում են և՛ տուժող, և՛ պաշտպանական կողմերը
Մեղրիի Ծիրանաձորի հենակետում 2012 թվականի նոյեմբերին մահացած 19-ամյա Սարգիս Սահակյանի գործով մեղադրանքը հերքված է համարում պաշտպանական կողմը՝ համադրելով, մասնավորապես, դատաձգաբանական փորձաքննության մեջ նշվածն ու դատարան հրավիրված փորձագետ Աշոտ Գասպարյանի ցուցմունքները: 

Աշոտ Գասպարյանը, Կապանի դատարանում երկու օր առաջ ցուցմունք տալով, իր իսկ եզրակացությունից էականորեն տարբերվող պնդումներ էր ներկայացրել:Փորձագետը դատաձգաբանական փորձաքննության նկարագրական մասում ընդունել էր, որ և՛ մահացած զինվորի, և՛ վկա Թովմաս Մնացականյանի հագուստների վրա հայտնաբերվել են կրակոցի մետաղացման հետքեր, սակայն եզրափակիչ մասում չէր նշել, որ պղնձի մետաղացման հետքերը կրակոցի հետևանք են: 

Նա դատարանում որպես վկա ցուցմունք տալով հայտարարել է, թե Սարգիս Սահակյանի, նաև վկա Թովմաս Մնացականյանի հագուստների վրա հայտնաբերվածը աղտոտվածության հետևանք են, ոչ թե կրակոցի արգասիք։Դատարանում կողմերի բուռն արձագանքին արժանացած փորձագետի այս և մի շարք այլ պնդումներից ամբաստանյալների պաշտպան Անի Թորոսյանը հետևություն է անում.- «Եթե փորձագետը իսկապես գտել է, որ դա աղտոտվածություն է, ոչ թե արգասիքի առկայություն, ապա պիտի եզրակացությունում նշեր, որ հայտնաբերվածը աղտոտում է։ 

Եվ ի վերջո աղտոտման հետևանքով պղնձի միկրոմասնիկների առաջացումը մի փոքր չէ, շատ է տրամաբանությունից դուրս։ Պղնձի միկրոմասնիկները տվյալ դեպքում առաջանում են գնդակի հետ շփման հետևանքով»։Սարգիս Սահակյանի գործով մեղադրվում են նրա երկու ծառայակիցները՝ կանոնադրային հարաբերությունները խախտելու համար, որոնք առաջացրել են ծանր հետևանքներ. ըստ մեղադրական պնդումների՝ Սահակյանին հասցրել են ինքնասպանության: 

Պաշտպանը նշում է, որ փորձագետի դատարանական վկայությունից հետո իր պաշտպանյալներին ներկայացված մեղադրանքի ապացույցներից առայժմ մեկը շարքից դուրս պիտի գա։

«Եթե նա չի հիմնավորում, նշանակում է ապացույցներից մեկը դուրս է գալիս շարքից։ Մենք վստահ ենք, որ էստեղ սպանություն է կատարվել։ Պետք է ժամանակին պատշաճ քննություն կատարվեր։ Հիմա մենք հարկադրված, մեր գործը թողած, նախաքննական մարմնի փոխարեն մենք ենք աշխատում վարկածների վրա»,- ասաց Անի Թորոսյանը։Պաշտպանը մեղադրանքը քննարկում է նաև իրեղեն ապացույց համարվող լուսանկարի հետ համեմատությամբ: 

Ըստ փորձաքննությունների եզրակացությունների՝ կրակոցը եղել է կանգնած դիրքում: Բայց լուսանկարում Սարգիս Սահակյանը ուղիղ պառկած վիճակում է, ոտքերը՝ դեպքի վայրում առկա տակառին հպված: Փաստաբանը հարցնում է՝ ինչպե՞ս կարող էր կանգնած դիրքից կրակոց արձակվելուց հետո զինվորը վայր ընկնել և անմիջապես վրա հասած մահից հետո իրանը տեղաշարժվեր դեպի տակառը:

Տուժողի իրավահաջորդի ներկայացուցիչ Ռուբեն Մարտիրոսյանը «Ազատության» հետ զրույցում տարօրինակ համարեց այն, որ եթե հիմք ընդունվի փորձագետի դատարանում տված վերջին ցուցմունքները, ստացվում է՝ կրակոցի որևէ արգասիք չի հայտնաբերվել կրակոցից մահացածի հագուստների վրա, իսկ դա անհնար է։Տուժող կողմի պնդմամբ, փորձագետն այսպիսով թաքցնում է «այն փաստը, որ դեպքի պահին վկա Թովմաս Մնացականյանը եղել է դեպքի վայրում»:

«Եթե փորձագետը գրեր, որ այդ մետաղացման փոշին առաջացել է կրակոցի հետևանքով, ապա ուղղակիորեն կփաստեր, որ սպանության պահին որպես վկա ճանաչված Թովմաս Մնացականյանը կրակոցի պահին եղել է դեպքի վայրում»,- ասում է Մարտիրոսյանը։

Այս դատավարությունն ուշագրավ զարգացումներ է արձանագրում այն իմաստով, որ բացի մահացած զինվորի հարազատներից, մեղադրվող կողմը նույնպես բացառում է ինքնասպանության վարկածը: 

Ստացվում է՝ պայքարը մեղադրող կողմի ներկայացրած, այսպես ասած, ապացույցների դեմ է:«Տուժող և պաշտպանական կողմերի հիմքերը, որով փորձում են բացահայտել և օբյեկտիվ քննություն կատարել դատարանում, ընդհանուր են, և սա իրոք մրցակցային դատավարության սկզբունքն է»,- ասում է դատավարությանը հետևող իրավապաշտպան Ժաննա Ալեքսանյանը։

Իրավապաշտպանը նաև ասաց, որ դատախազությունը շարունակում է ճնշումները: Բայց, նրա խոսքով, փաստերն ավելի ուժեղ են: 

Հաջորդ դատական նիստը նշանակվել է մայիսի 12-ին։


1423
Print
ռազմավարական դատավարություններ
անմեղ մարդը մահվան է դատապարտվել 29.12.2015 | ռազմավարական դատավարություններ

անմեղ մարդը մահվան է դատապարտվել

Երբ բարձրաստիճան պետական չինովնիկները խոսում են ռազմական բարեփոխումների մասին, նրանք հիշատակում են բանակի բարձր պաշտպանունանկության, կառուցվածքային վերափոխումների- հաջողությունների մասին: Սրա հետ մեկտեղ նրանք միշտ լուռ են, որ բանակում սպանում են, որ բանակը ապրում է իր պատկերացումներով

բանակում  ծանր հանցագործությունների համար պատասխանատվություն են կրում թույլ օղակները 25.09.2015 | ռազմավարական դատավարություններ

բանակում ծանր հանցագործությունների համար պատասխանատվություն են կրում թույլ օղակները

Զինծառայող Մանուչար Մանուչարյանի մահվան դեպքից  հետո,  ՀՀ Պաշտպանության նախարարի հրամանով նշված զորամասի հրամանատարության և սպայական անձնակազմի  նկատմամբ հայտարարվել է խիստ նկատողություն: Այս մասին հայտնի է դարձել դատական նիստի ժամանակ, երբ հետազոտվել են  քրեական գործ

«Մեր էրեխեքը չեն նեղացրել Մանուչարին» 20.06.2015 | ռազմավարական դատավարություններ

«Մեր էրեխեքը չեն նեղացրել Մանուչարին»

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: