լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
16.04.2018 | հավաքների ազատություն

Ուսանողին Brabus-ով վրաերթի ենթարկածները ՀՀԿ երիտասարդական թևի՞ց են. Ոստիկանությունում նյութեր են նախապատրաստվում

Ուսանողին Brabus-ով վրաերթի ենթարկածները ՀՀԿ երիտասարդական թևի՞ց են. Ոստիկանությունում նյութեր են նախապատրաստվում
ՀՀ ոստիկանության լրատվական ծառայության ղեկավար Աշոտ Ահարոնյանը Forrights.am-ի հարցին ի պատասխան հրաժարվեց մենաբանել ոստիկանության անգործության մասին գնահատականները՝ խնդրելով հետևել պաշտոնական լրահոսին:   

Ավելի ուշ տեղեկացանք, որ ոստիկանությունում նյութեր են նախապատրաստվում այսօր առավոտյան «Բրաբուս» մեքենայի կողմից ցուցարարներին սեռական բնույթի հայհոյանքներ տալու, ծեծելու ու վրաերթի ենթարկելու դեպքի առթիվ:    

Նշենք, որ այսօր առավոտյան Կորյուն-Հերացի փողոցների խաչմերուկում բախում տեղի ունեցավ ցուցարարների և 62 SS 465 պետհամարանիշով «Բրաբուս» մեքենայի վարորդի միջև։   

Վարորդն ու ուղևորները սեռական բնույթի հայհոյանքներով հարձակվեցին ակտիվիստների վրա, հարվածներ հասցրեցին նրանց և, ուսանողներից մեկին վրաերթի ենթարկելով, ճեղքեցին ուսանողական պատը:

Տեղում գտնվող «Իրազեկ քաղաքացիների միավորում» հասարակական կազմակերպության ղեկավար Դանիել Իոաննիսյանը ոստիկաններին մեղադրեց անգործության մեջ՝ հայտարարելով. «Մարդկանց ծեծում են, վրաերթի են ենթարկում դուք կողքից կանգնած դիտորդի դերում եք։ Հանցագործություն է տեղի ունենում, դուք կանգնած դիտորդի դերում եք, դուք պետք է հանցագործներին բռնեք, իսկ դուք թողեցիք, որ հանցագործները թողնեն գնան։ Չի կարելի անգործություն ցուցաբերել, մի քիչ դուխով եղեք, կրիմինալին պետք է կանգնեցնեք, չի կարելի կողքից նայել, թե ոնց են մարդկանց ծեծում»:   

«Ընդդեմ իրավական կամայականության» հասարակական կազմակերպությունը ֆեյսբուքյան էջում կոչ է արել գլխավոր դատախազությանը՝ անհապաղ քրեական գործ հարուցել և քրեական հետապնդում իրականացնել հանցագործություն իրականացրած անձանց հանդեպ։   

Ոստիկանության այսօրվա հայտարարության մեջ ՀՀ ոստիկանությունը «պարզաբանել է, որ խաղաղ, սակայն հասարակական կարգի խմբային խախտումներով ուղեկցվող հավաքի իրավունքը բացարձակ չէ և կարող է ենթարկվել սահմանափակումների՝ իրավիճակից բխող համաչափ ոստիկանական գործողություններով, ընդհուպ մինչև հավաքի դադարեցման որոշման ընդունում»:   
Ի դեպ, Politic.am-ը պարզել է, որ ուսանողներին վրաերթի ենթարկածները ՀՀԿ երիտասարդական թևի անդամներ են: Այս առթիվ ոստիկանությունից մեկնաբանություն ստանալ չհաջողվեց: 

Այսօր առավոտից Երևանում մեկնարկած բողոքի ակցիաների ժամանակ, որոնք ուղեկցվում են փողոցներ փակելով ու գործադուլի ու դասադուլի կոչերով, ոստիկանությունը լրագրողների աչքի առաջ մետրոներից ու փողոցներից մի շարք ուսանողների և այլ ցուցարարաների է բերման ենթարկել:    

Սակայն  ոստիկանության աշխատակից Էդգար Ջանոյանը հրաժարվեց ասել, թե քանի բերման ենթարկվածի մասին է խոսքը:   

Մարինե Խառատյան
1206
Print
հավաքների ազատություն
Սամվել Բաբայանի կալանքը փոխելու միջնորդությամբ են հանդես եկել ԱԺ  ԵԼՔ խմբակցության պատգամավորներ 21.05.2018 | հավաքների ազատություն

Սամվել Բաբայանի կալանքը փոխելու միջնորդությամբ են հանդես եկել ԱԺ ԵԼՔ խմբակցության պատգամավորներ

Արցախի Պաշտպանության բանակի նախկին հրամանատար Սամվել Բաբայանի համակիրները։ Անդրանիկ Թևանյանը հավաքվածներին տեղեկացրեց, որ Բաբայանի կալանքը փոխելու միջնորդությամբ են հանդես եկել Ազգային ժողովի ԵԼՔ խմբակցության պատգամավորներ Սասուն Միքայելյանը և Հովիկ Աղազարյանը։ Տեքստում մասնավորապես ա

«Գլխավոր դատախազը եղել է Սերժ Սարգսյանի հլու-հնազանդ կատարողը․ նա պետք է հեռանա»․ ակցիա 21.05.2018 | հավաքների ազատություն

«Գլխավոր դատախազը եղել է Սերժ Սարգսյանի հլու-հնազանդ կատարողը․ նա պետք է հեռանա»․ ակցիա

«Չենք վստահում Գլխավոր դատախազին, կոռուպցիայի մեջ թաթախված է, ուստի եկել ենք նրա հրաժարականը պահանջելու»,- Forrights.am-ին ասում է ազատամարտիկ Վոլոդյա Ավետիսյանը, որը Գլխավոր դատախազության շենքի մուտքը տևական ժամանակ արգելափակող ցուցարարներից մեկն է։ 

<

«նրանք, որոնք այն ռեժիմի ժամանակ իրենց խոսքի, ազատ արտահայտման համար հայտնվել են բանտում, պետք է ազատ արձակվեն». 12.05.2018 | հավաքների ազատություն

«նրանք, որոնք այն ռեժիմի ժամանակ իրենց խոսքի, ազատ արտահայտման համար հայտնվել են բանտում, պետք է ազատ արձակվեն».

«Այն, ինչ վերջին օրերին Հայաստանում տեղի է ունեցավ, կարող ենք համարել պատմական իրադարձություն: Եվ դա ոչ միայն համահայկական նշանակություն ունի, այլև ամբողջ տարածաշրջանի համար կարևոր իրողություն է: Հայաստանի համար հնարավորություններ են բացվել մոդելային երկիր դառնալու այլ պետությունների հ

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: