լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
19.09.2017 | հավաքների ազատություն

խուզարկությամբ Կարո Եղնուկյանի երեխաների մոտ ռումբ չի հայտնաբերվել

խուզարկությամբ Կարո Եղնուկյանի երեխաների մոտ ռումբ չի հայտնաբերվել
Այսօր առավոտյան ոստիկանության կողմից բերման ենթարկված անձանցից Հակոբ, Հռիփսիմե, Էլմոն Եղնուկյաններն արդեն ազատ են արձակվել, հաղորդում է Հայաստանի մարդու իրավունքների պաշտպանի աշխատակազմը:    

«Այսօր՝ վաղ առավոտյան, «Հայ կանանց ճակատ» նախաձեռնության համակարգող Սյուզան Սիմոնյանը ՀՀ մարդու իրավունքների պաշտպանի աշխատակազմի «թեժ գծի» հեռախոսահամարին ահազանգով տեղեկացրել է, որ ՀՀ ոստիկանության Երևան քաղաքի վարչության Կենտրոնականի բաժին են բերման ենթարկել Հակոբ, Հռիփսիմե, Էլմոն Եղնուկյանները և «Հայ կանանց ճակատ» նախաձեռնության անդամներ Ռուզաննա Եղնուկյանը, Աղավնի Սահակյանն ու Գեղեցիկ Տոնոյանը։ 

Ըստ ահազանգի՝ վերջիններիս բերման են ենթարկել Հայաստան-Սփյուռք համաժողովի մասնակցիների ներկայությամբ Ժիրայր Սեֆիլյանի և Կարո Եղնուկյանի մասին պաստառներով թռուցիկներ բաժանելու համար», - ասված է օմբուդսմենի աշխատակազմի հաղորդագրությունում: Ահազանգից անմիջապես հետո օմբուդսմենի աշխատակազմի ներկայացուցիչներն այցելել են ոստիկանության Կենտրոնականի բաժին, առանձնազրույցներ են ունեցել բերման ենթարկված անձանց հետ, պարզաբանումներ են պահանջվել նրանց բերման ենթարկելու իրավական հիմքերի վերաբերյալ: «Ոստիկանության աշխատակիցների պարզաբանմամբ՝ նշված անձինք բերման են ենթարկվել Հանրապետության հրապարակում պայթուցիկ սարքերի առկայության վերաբերյալ ահազանգի հիման վրա», - նշված է հաղորդագրությունում:  

«Ոստիկանության հետ համատեղ աշխատանքի արդյունքում բերման ենթարկված անձանցից Հակոբ, Հռիփսիմե, Էլմոն Եղնուկյաններն ազատ են արձակվել, աշխատանքներ են տարվում մյուսներին ազատ արձակելու ուղղությամբ», - փոխանցում է Հայաստանի մարդու իրավունքների պաշտպանի աշխատակազմը:      
224
Print
հավաքների ազատություն
ոստիկանության բաժին են տարվել Կարո Եղնուկյանի երեխաները 19.09.2017 | հավաքների ազատություն

ոստիկանության բաժին են տարվել Կարո Եղնուկյանի երեխաները

Քիչ առաջ Հանրապետության հրապարակից ձերբակալվել և Կենտրոնի ոստիկանության բաժին են տարվել քաղբանտարկյալ Կարո Եղնուկյանի երեխաները՝ Հակոբ, Սիմե, Էլմոն Եղնուկյանները, և Հայ կանանց ճակատի անդամներ Ռուզաննա Եղնուկյանը, Աղավնի Սահակյանը և Գեղեցիկ Տոնոյանը։    

«Էլեկտրիկ Երեւան»-ը ուժի կիրառմամբ ճնշելու երկրորդ տարին   23.06.2017 | հավաքների ազատություն

«Էլեկտրիկ Երեւան»-ը ուժի կիրառմամբ ճնշելու երկրորդ տարին

Լրագրողական կազմակերպությունների հայտարարությունը

Այսօր լրանում է «Էլեկտրիկ Երեւան» քաղաքացիական շարժումը ուժի կիրառմամբ ճնշելու երկրորդ տարին։        


Վոլոդյա Ավետիսյանը ազատ արձակվեց 25.05.2017 | հավաքների ազատություն

Վոլոդյա Ավետիսյանը ազատ արձակվեց

Քիչ առաջ Վարդաշեն քրեակատարողական հիմնարկից ազատ արձակվեց խարդախության մեղադրանքով 6 տարվա ազատազրկման դատապարտված Վոլոդյա Ավետիսյանը: Նրա նկատմամբ կիրառվեց վերջին համաներումը: Նրան դիմավորելու էին եկել հարազատներն ու ընկերները:  Նույն օրն իսկ նա նստացույց սկսեց կառավարության շենքի

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: