լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
12.03.2018 | մարդու իրավունքները փակ հաստատություններում

32 օր հացադուլ. ՔԿՀ-ն հրաժարվում է Արկադի Պապյանին տեղափոխել դատապարտյալների հիվանդանոց

32 օր հացադուլ. ՔԿՀ-ն հրաժարվում է Արկադի Պապյանին տեղափոխել դատապարտյալների հիվանդանոց
Մարտի 12-ին Մարդու իրավունքների պաշտպանի ներկայացուցիչները հերթական այցն են կատարել «Նուբարաշեն» քրեակատարողական հիմնարկ, հանդիպել հացադուլ հայտարարած Արկադի Պապյանին: Ուսումնասիրվել են վերջինիս բժշկական փաստաթղթերը և պահման պայմանները։ Այս մասին Forrights.am-ին տեղեկացրեցին Պաշտպանի գրասենյակից: 

Ա. Պապյանը հացադուլում է արդեն 32 օր: Առանձնազրույցի ընթացքում Արկադի Պապյանի գիտակցությունը եղել է պարզ, կարողացել է հստակ արտահայտել մտքերը և ձևակերպել իր պահանջները: Ա. Պապյանի տեղեկացմամբ՝ կարողանում է որոշակի դժվարությամբ ինքնուրույն բացել խցի պատուհանը և օգտվել սանհանգույցից: Նշել է, որ մշտապես լինում է պառկած վիճակում, քանի որ խցում տեղաշարժվելու դեպքում ունենում է գլխապտույտներ: 

Ըստ նրա՝ գտնվում է ՔԿՀ-ի բժշկական անձնակազմի մշտական հսկողության  տակ,  ամենօրյա ռեժիմով չափվում է զարկերակային ճնշումը և սրտի զարկերի քանակը: Բժշկական այլ միջամտությունից հրաժարվում է: Ա.Պապյանը քրեակատարողական հիմնարկի պահման պայմաններին կամ իր նկատմամբ վերաբերմունքին առնչվող բողոքներ չի ներկայացրել: 

Հացադուլի տևողությամբ պայմանավորված՝ Ա.Պապյանի առողջական վիճակն այնպիսին է, որ պահանջում է բժշկական մշտական հսկողություն: Հացադուլում գտնվող անձի նկատմամբ վերաբերմունքը պահանջում է բացառապես բժշկական մոտեցում՝ հատուկ սկզբունքներով: 

Հացադուլի պատճառն այն է, որ Արկադի Պապյանը համաձայն չէ իրեն առաջադրված մեղադրանքի հետ: Ա.Պապյանի՝ մեղադրանքին առնչվող պնդումները, Մարդու իրավունքների պաշտպանի կողմից առանձին ներկայացվել են քրեական հետապնդման մարմնին, իսկ առողջական վիճակի մշտական հսկողության և սոցալ-հոգեբանական պարբերական աշխատանքի կազմակերպման հարցերը՝ ՀՀ արդարադատության նախարարությանը:  

ՔԿՀ լրատվական ծառայությունից հայտնում են, որ հացադուլի 32-րդ օրը դեռևս անհրաժեշտություն չկա Արկադի Պապյանին տեղափոխել դատապարտյալների հիվանդանոց: 
978
Print
մարդու իրավունքները փակ հաստատություններում
Ցմահ դատապարտյալների բաց նամակը ՀՀ նախագահ Արմեն Սարգսյանին 13.08.2018 | մարդու իրավունքները փակ հաստատություններում

Ցմահ դատապարտյալների բաց նամակը ՀՀ նախագահ Արմեն Սարգսյանին

Հնարավորություն տվեք մեր կյանքի մնացած տարիներն անցկացնել մեր ընտանիքների հետ   

Հարգարժան պարոն նախագահ, արդեն 15 տարի է, ինչ ցմահ դատապարտյալներս պայքարում ենք Հայաստանի  երկրորդ նախագահ Ռոբերտ Քոչար

Արմավիր ՔԿՀ պատժախցում հայտնաբերվել է Մոլդովայի քաղաքացու դին կախված վիճակում 11.08.2018 | մարդու իրավունքները փակ հաստատություններում

Արմավիր ՔԿՀ պատժախցում հայտնաբերվել է Մոլդովայի քաղաքացու դին կախված վիճակում

Քիչ առաջ տեղեկություն ստացանք, որ Արմավիր քրեակատարողական հիմնարկում ինքնասպանության դեպք է գրանցվել։ Ամեն դեպքում, պատժախցում հայտնաբերվել է  երիտասարդի կախված դին։ Նրան օրերս էին տեղափոխել այստեղ։ 

Մեզ հայտնի դարձավ,

ցմահների խնդրին տուժողների տեսանկյունից նայելը նախարարին փակուղի է մտցնելու 10.08.2018 | մարդու իրավունքները փակ հաստատություններում

ցմահների խնդրին տուժողների տեսանկյունից նայելը նախարարին փակուղի է մտցնելու

Արդարադատության նախարար Արտակ Զեյնալյանի այցը «Արմավիր» ՔԿՀ հիասթափեցրել է այնտեղ պահվող 30 ցմահ դատապարտյալներից շատերին: Զեյնալյանը հանդիպել է ցմահականներ Արսեն Արծրունուն, Ստեփան Գրիգորյանին ու Աշոտ Մանուկյանին: Չի ընդունել 8 օր հացադուլ անցկացնող Վաղարշակ Ավետիսյանին, որը գործի վ

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: