լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
16.01.2018 | մարդու իրավունքները փակ հաստատություններում

«եթե նրան չհասցնեին այդ վիճակին, վիրահատական միջամտության կարիք չէր լինի»

«եթե նրան չհասցնեին այդ վիճակին, վիրահատական միջամտության կարիք չէր լինի»
«Սասնա Ծռեր» խմբավորման անդամ «Միայնակ Գայլ» Արայիկ Խանդոյանը երեկ «Էրեբունի» բժշկական կենտրոնում երիկամի վիրահատության է ենթարկվել: Վերջինիս պաշտպան Արայիկ Պապիկյանն այսօր լրագրողների հետ զրույցում նշեց, որ առողջական վիճակի վատթարացումը կապված է նրա ցուրտ և խոնավ պատժախցի հետ. 

«Մենք ոչ թե պետք է շնորհակալություն հայտնենք, որ վիրահատեցին, այլ փաստն արձանագրենք, որ անմարդկային պայմանների հետևանքը եղավ, որի վերաբերյալ մենք բավականին երկար բարձրաձայնում էինք: Եթե նրան չհասցնեին այդ վիճակին, վիրահատական միջամտության կարիք չէր լինի»: 

Արայիկ Պապիկյանին արգելում են տեսակցել իր պաշտպանյալի հետ և իրավաբանական օգնություն տրամադրել: Պաշտպանը ենթադրում է, որ դատավոր Մակյանը գրություն է ուղարկել ՔԿՀ, հայտնելով, որ փաստաբանն այլևս չի հանդիսանում Խանդոյանի պաշտպան. 

«Շուրջ մեկուկես տարի է ես Խանդոյանին այլ գործերով իրավաբանական խորհրդատվական ծառայություն եմ մատուցում ու երբեք նմանատիպ խնդիր չի եղել»:  

Համաձայն ընթացակարգի, Արայիկ Խանդոյանը պետք է դիմում ներկայացնի Քրեակատարողական վարչություն, որից հետո նոր միայն կկարողանա տեսակցել իր պաշտպան Արայիկ Պապիկյանին:  

Հիշեցնենք, որ «Միայնակ Գայլ» Արայիկ Խանդոյանը 2017թ. դեկտեմբերի 30-ին տեղափոխվել էր պատժախուց, ինչից հետո հայտարարել էր հացադուլ: Պատժախցի պայմաններն անմարդկային էին՝ կոտրված ապակիներ, ցուրտ, մութ և խոնավ: 10 օր անց՝ պատժախցից դուրս գալուն զուգահեռ, Խանդոյանը դադարեցրեց հացադուլը: 

Ռոզա Վարդանյան
1292
Print
մարդու իրավունքները փակ հաստատություններում
Արմավիր ՔԿՀ պատժախցում հայտնաբերվել է Մոլդովայի քաղաքացու դին կախված վիճակում 11.08.2018 | մարդու իրավունքները փակ հաստատություններում

Արմավիր ՔԿՀ պատժախցում հայտնաբերվել է Մոլդովայի քաղաքացու դին կախված վիճակում

Քիչ առաջ տեղեկություն ստացանք, որ Արմավիր քրեակատարողական հիմնարկում ինքնասպանության դեպք է գրանցվել։ Ամեն դեպքում, պատժախցում հայտնաբերվել է  երիտասարդի կախված դին։ Նրան օրերս էին տեղափոխել այստեղ։ 

Մեզ հայտնի դարձավ,

ցմահների խնդրին տուժողների տեսանկյունից նայելը նախարարին փակուղի է մտցնելու 10.08.2018 | մարդու իրավունքները փակ հաստատություններում

ցմահների խնդրին տուժողների տեսանկյունից նայելը նախարարին փակուղի է մտցնելու

Արդարադատության նախարար Արտակ Զեյնալյանի այցը «Արմավիր» ՔԿՀ հիասթափեցրել է այնտեղ պահվող 30 ցմահ դատապարտյալներից շատերին: Զեյնալյանը հանդիպել է ցմահականներ Արսեն Արծրունուն, Ստեփան Գրիգորյանին ու Աշոտ Մանուկյանին: Չի ընդունել 8 օր հացադուլ անցկացնող Վաղարշակ Ավետիսյանին, որը գործի վ

«Արմավիր» ՔԿՀ-ում  սրտի կաթվածից մահացել է  ցմահ դատապարտյալ Արտաշես Հովհաննիսյանը 9.08.2018 | մարդու իրավունքները փակ հաստատություններում

«Արմավիր» ՔԿՀ-ում սրտի կաթվածից մահացել է ցմահ դատապարտյալ Արտաշես Հովհաննիսյանը

Քիչ առաջ Արմավիր  ՔԿՀ-ում  սրտի կաթվածից մահացավ ցմահ ազատազրկման դատապարտված Արտաշես Հովհաննիսյանը: Նա չէր բոլորել 43-րդ տարին: 

Արտաշեսը 27-րդն  ցմահականն է, որ մահանում է բանտում։ Արտաշեսը դատապարտվել էր

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: