լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
7.06.2018 | ընտրական իրավունք

Վճռաբեկ դատարանի նախագահի թեկնածուի ընտրությունը չկայացավ. այս դատարանը բորբոքված «կույր աղիք» է

Վճռաբեկ դատարանի նախագահի թեկնածուի ընտրությունը չկայացավ. այս դատարանը  բորբոքված «կույր աղիք» է
Բարձրագույն դատական խորհուրդը հունիսի 7-ի իր նիստում, համաձայն նախապես հաստատված ժամանակացույցի, պետք է ընտրեր Վճռաբեկ դատարանի նախագահի թեկնածուի: Հիշեցնենք, որ ՀՀ Սահմանադրության 166-րդ հոդվածով վճռաբեկ դատարանի նախագահի թեկնածուներին առաջարկում է Բարձրագույն դատական խորհուրդը, Վճռաբեկ դատարանի կազմից, վեց տարի ժամկետով, իսկ ընտրում է Ազգային ժողովը՝ պատգամավորների ընդհանուր թվի ձայների մեծամասնությամբ: 

Այսօրվա  ընտրությունը, սակայն չի կայացել: ԲԴԽ տասը անդամները երկու անգամ քվեարկել են, և երկու անգամ էլ թեկնածուներից ոչ մեկը չի կարողացել ձայն երի մեծամասնություն հավաքել: Ըստ  դատական դեպարտամենտի հաղորման, «ԲԴԽ-ն կանցկացնի նոր ընտրություն, որի մասին կտրվի լրացուցիչ տեղեկատվություն»: 

Ընտրությունից առաջ, ընդհուպ այսօր թեկնածուները գաղտնի էին պահվում, նրան ց մասին տեղեկությունները լուրերի մակարդակի էին: Իրավական շրջանակներում տրվում էին քաղաքացիական և վարչական պալատի դատավոր Գոռ Հակոբյանի անունը, որպես վճռաբեկի նախկին նախագահ Արման Մկրտումյանի թեկնածուի: Կանխատեսումներ էին հնչում, որ հենց նրան է առաջադրելու ԲԴԽ-ն և որ նախկին նախագահ Արման Մկրտումյանը գործի է դրել իր լծակները 10 անդամներից առնվազն 7-ի քվեն Գոռ Հակոբյանի օգտին ստանալու համար: 

Մեր տեղեկություններով, փորձեր են արվել պայմանավորվածություններ ձեռք բերել իրավաբան գիտնականներից  Լիպարիտ Մելիքջանյանի և Սերգեյ Մեղրյանի հետ: Տրվում էր նաև դատավորներ Սուրեն Անտոնյանի, Երվանդ Խունդկարյանի, Ռուզաննա Հակոբյանի, քրեական պալատի նախագահ Սերժիկ Ավետիսյանի անունները: Այսօրվա նիստի  արդյունքները, որոնք ներկայացնում ենք ստորև, թե քվեարկության ներկայացված անունների, թե ստացված ձայների առումով անակնկալ էին.

Ասատրյան Համլետ 2 

Անտոնյան Սուրեն - 1

Ավանեսյան Վարդան - 0 

Ավետիսյան Սերժիկ - 2 

Բարսեղյան Արտակ - 0 

Դանիելյան Ելիզավետա - 0 

Դրմեյան Մամիկոն - 0 

Թադևոսյան Լիլիթ - 0 

Խունդկարյան Երվանդ - 2 

Հակոբյան Գոռ - 2 

Միքայելյան Ստեփան - 1 

Պետրոսյան Տիգրան - 0 

Պողոսյան Արթուր - 0 

Տավարացյան Նախշուն - 0 

Օհանյան Սամվել - 0 

Փաստորեն, դատավորների մեծ մասը ԲԴԽ անդամներից, կերպարավոր ասած՝ «Զերո» են ստացել: Ամենաբարձր «գնահատականը» եղել է «երկուսը», որը ստացել են վճռաբեկի դատավորներից 4՝ Գոռ Հակոբյանը, Սերժիկ Ավետիսյանը, Երվանդ Խունդկարյանը և Համլետ Ասատրյանը: Երկրորդ փուլ են անցել, ըստ դատական դեպարտամենտի հաղորդագրության, Համլետ Ասատրյանն ու Սերժիկ Ավետիսյանը։ Նրանց միջև էլ գնացել է պայքարը երկրորդ փուլում, սակայն Ասատրյանը երեք ձայն է ստացել, Ավետիսյանը՝ 4: ԲԴԽ 10 անդամների ձայների կեսից ավելին կրկին ոչ ոք չի ստացել, իսկ այս դեպքում , համաձայն Դատական օրենսգրքի 135-րդ հոդվածի 10-րդ կետի, անցկացվում է նոր ընտրություն: 

Forrights.am-ը նիստի արդյունքների մասին զրուցեց փաստաբան Հայկ Ալումյանի հետ: - 

Ի՞նչ տպավորություն ստացաք ԲԴԽ նիստի արդյունքից: 

- Տխուր տպավորույթյուն: Ես այն կարծիքի եմ, որ վճռաբեկին հաջողվել է բոլորին ապացուցել, որ որպես դատարան լրիվ անիմաստ է Հայաստանում: Վարչական վերաքննիչ դատարանը բոլոր գործերն անխտիր լսում է վճռաբեկության կարգով, վերաքննիչ քաղաքացիական դատարանը բոլոր գործերը քննարկում է նույնպես վճռաբեկության կարգով: Վերաքննիչ քրեական դատարանը գործերի 90 տոկոսը քննում է վճռաբեկության կարգով: Այս դեպքում ինչո՞ւ է առհասարակ պետք վճռաբեկ դատարանը: Սահմանադրության  մեջ գրված է, որ վճռաբեկ դատարանը ապահովում է օրենքի միատեսակ կիրառությունը: 

Ընդամենը պետք է այդ «վճռաբեկ» բառի փոխարեն գրել «վերաքննիչ», և այն մեկնաբանությունը, որը վերանքննիչը տալիս է օրնեքին, պարտադիր է դառնում բոլորի համար, այդ պահից սկսած այդ ամբողջ կազմակերպությունը, որը վճռաբեկ դատարան է կոչվում ու հսկայական ռեսուրսներ է խլում այս երկրից, միանգամից կարելի է արդեն փակել: Օրինակ բերեմ՝ բժիշկները հասկացել են, որ «կույր աղիքը» ինչ որ բանի համար պետք է, բայց չգիտեն, թե ինչի համար է պետք: Նույնը վճռաբեկ դատարանն է: Ոչ ոք չգիտի, ինչի համար է այն պետք:  Կարելի է, իհարկե, պահել, բայց նա բորբոքված վիճակում կույր աղիք է: Եթե նայեք վերջին 5 տարում Եվրոդատարանի վճիռները, դրանք համարյա բոլորն այն գործերն են, որոնցով վճռաբեկ դատարանը, այդ նույն  հիմքով, չի ընդունել քննության, չի էլ հասկացել, որ այստեղ կա պրոբլեմ:

- Ինչո՞ւ էին թեկնածուներն այսքան շատ:  

- Եթե դատավորները ինքնաբացարկ չեն հայտնում, նրանք, ովքեր չափանիշներին համապատասխանում են, ավտոմատ համարվում են առաջադրված թեկնածու: Այդ պատճառով էլ այստեղ այսքան առաջադրված թեկնածուներ ենք տեսնում, ովքեր «զերո» են հավաքել:

-Ի՞նչ է նշանակում այսօրվա  ընտրության արդյունքը՝ 1, 2, 0 քվե են ստացել:  Փաստորեն, չկա մեկը վճռաբեկի դատավորներից, որին ընդունել՞ի համարեն:

Կարելի է ասել այսպես՝ հրահանգով չի քվեարկվում, մի գուցե: Սա կարելի է համարել դրական: 

 -Գուցե, չե՞ն լսում հրահանգները, կամ ուզում են դեմոկրատիայի իմիտացիա ստեղծել: :

 - Ես չէի ուզի մտածել, որ հենց սենց էլ հրահանգված էր: 

 Սյուզան Սիմոնյան
2372
Print
ընտրական իրավունք
Վճռաբեկ դատարանի նախագահի թեկնածուի ընտրությունը չկայացավ. այս դատարանը  բորբոքված «կույր աղիք» է 7.06.2018 | ընտրական իրավունք

Վճռաբեկ դատարանի նախագահի թեկնածուի ընտրությունը չկայացավ. այս դատարանը բորբոքված «կույր աղիք» է

Բարձրագույն դատական խորհուրդը հունիսի 7-ի իր նիստում, համաձայն նախապես հաստատված ժամանակացույցի, պետք է ընտրեր Վճռաբեկ դատարանի նախագահի թեկնածուի: Հիշեցնենք, որ ՀՀ Սահմանադրության 166-րդ հոդվածով վճռաբեկ դատարանի նախագահի թեկնածուներին առաջարկում է Բարձրագույն դատական խորհուրդը, Վճռաբե

Գործող Սահմանադրությամբ արտահերթ ընտրություններ հնարավոր է անել առանց ռեյտինգային ընտրակարգի. սահմանադրագետ 12.05.2018 | ընտրական իրավունք

Գործող Սահմանադրությամբ արտահերթ ընտրություններ հնարավոր է անել առանց ռեյտինգային ընտրակարգի. սահմանադրագետ

ԱԺ-ում մեծամասնություն ունեցող ՀՀԿ-ի դիմադրության պայմաններում արտահերթ խորհրդարանական ընտրությունների ու ԸՕ փոփոխությունների սահմանադրական լուծումների առթիվ Forrights.am-ը զրուցել է իրավաբանական գիտությունների դոկտոր, Գերմանիայի Հագենի համալսարանի և Բեռլինի Տնտեսագիտության և իրավունքի ինս

«Նիկոլ Փաշինյանն ընտրվում է ժողովրդի ճնշմամբ և կանգնում է հակապետական, կեղեքող համակարգի դեմ» 6.05.2018 | ընտրական իրավունք

«Նիկոլ Փաշինյանն ընտրվում է ժողովրդի ճնշմամբ և կանգնում է հակապետական, կեղեքող համակարգի դեմ»

Թավշյա հեղափոխությունը փաստացի հաղթել է, բայց ԱԺ-ում մեծամասնություն ունեցող ՀՀԿ-ական իշխանությունը դիմադրում է և չի ուզում արտահերթ ընտրությունների գնալ՝ թերևս գիտակցելով, որ հնարավոր է առկա իրողությունների պարագայում անհամեմատ քիչ ձայներ ունենա:    

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: