լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
18.04.2017 | ընտրական իրավունք

միլինոնատեր է նաև Տարոն Մարգարյանի գործազուրկ կինը

միլինոնատեր է նաև Տարոն Մարգարյանի գործազուրկ կինը
Քաղաքապետի երեք թեկնածուներից, ըստ հայտարարագրի, ամենահարուստը Երևանի քաղաքապետի պաշտոնը զբաղեցնող Տարոն Մարգարյանն է, ով 2016 թվականին հայտարարագրել է 250 միլիոն դրամ, 45 հազար դոլար, 50 հազար եվրո. միասին մոտ 600 հազար դոլար:  

Գումարից բացի քաղաքապետը նաև իրեն պատկանող բազմաթիվ շենքեր է հայտարարագրել: Ավանում, որտեղ Տարոն Մարգարյանը 6 տարի թաղապետ է եղել, երկու մեծ շենք ունի՝ 3700 և 1600 քառակուսի մետր մակերեսներով, մեկ առևտրի կենտրոն, մեկ բնակարան և երկու ավտոտնակ: Երևանի կենտրոնում՝ Թումանյան փողոցի շենքերից մեկում, քաղաքապետը մի ամբողջ հարկաբաժին ունի, ինչպես նաև ամառանոց  Ջերմուկում: 2016 թվականին Տարոն Մարգարյանը հայտարարագրել է մեկ մեքենա՝ Mersedes, ինչպես նաև նշել, որ 50 տոկոս բաժնեմաս ունի Z&Z ընկերությունում: 

Քաղաքապետի մեկ տարվա եկամուտը ունեցվածքի համեմատությամբ բավական համեստ է՝ ըստ հայտարարագրի, նա ստացել է 5 միլիոն դրամ աշխատավարձ և 25 միլիոն դրամ՝ մեքենայի վաճառքից: 

Միլիոնատեր է նաև Տարոն Մարգարյանի գործազուրկ կինը՝ Գոհար Սարգսյանը: Նա 2011 թվականից ի վեր հայտարարագրում է անփոփոխ՝ 50 միլիոն դրամ: Ուշագրավ է, որ քաղաքապետի կինը այս ընթացքում միայն մեկ անգամ է եկամուտ հայտարարագրել՝ 2012-ին  վերջինսը նվիրատվության կամ օգնության կարգով մոտ 40 միլիոն դրամի բնամթերք է ստացել, որը, սակայն, հետագա տարիներին որևէ կերպ այլևս չի հիշատակվում:

 Ի տարբերություն կնոջ՝ Տարոն Մարգարյանի հայտարարագրած ունեցվածքում որոշակի փոփոխություններ տեղի են ունեցել։ 2013 թվականին Երևանի ավագանու նախորդ ընտրությունների ժամանակ Մարգարյանի անշարժ և շարժական գույքը ավելի շատ էր: Այդ ժամանակ քաղաքապետը երկուսի փոխարեն երեք ավտոտնակ ուներ, ուներ նաև հողամաս, մեկի փոխարեն երեք մեքենա: 2014 թվականին Տարոն Մարգարյանը վաճառել է հողամասը և Range Rover մեքենան՝ դրանց դիմաց ստանալով 170 միլիոն դրամից ավելի գումար:   

Քաղաքապետի մյուս երկու թեկնածուների հայտարարագրած գումարները էականորեն զիջում են գործող քաղաքապետի հայտարարագրած ունեցվածքին: Զարուհի Փոստանջյանը հայտարարագրել է պատգամավորի իր տարեկան աշխատավարձը՝ մոտ 5.5 միլիոն դրամ, իսկ Նիկոլ Փաշինյանն էլ 2.5 հազար դոլար և Hyundai մեքենան:
2753
Print
ընտրական իրավունք
Սահմանադրական դատարանի դատավորի թեկնածուն չհանձնեց քննությունը 12.06.2018 | ընտրական իրավունք

Սահմանադրական դատարանի դատավորի թեկնածուն չհանձնեց քննությունը

Սահմանադարական դատարանի դատավորի թեկնածու Ելիզավետա Դանիելյանը չի արդարացրել պատգամավորների սպասելիքները։ Այսօր Ազգային ժողովում քննարկվում էր այդ պաշտոնում տիկին Դանիելյանի թեկնածությունը։ Նա Վճռաբեկ դատարանի դատավոր է, ում թեկնածությունը ներկայացրել է դատավորների ընդհանուր ժողովը։&nb

Վճռաբեկ դատարանի նախագահի թեկնածուի ընտրությունը չկայացավ. այս դատարանը  բորբոքված «կույր աղիք» է 7.06.2018 | ընտրական իրավունք

Վճռաբեկ դատարանի նախագահի թեկնածուի ընտրությունը չկայացավ. այս դատարանը բորբոքված «կույր աղիք» է

Բարձրագույն դատական խորհուրդը հունիսի 7-ի իր նիստում, համաձայն նախապես հաստատված ժամանակացույցի, պետք է ընտրեր Վճռաբեկ դատարանի նախագահի թեկնածուի: Հիշեցնենք, որ ՀՀ Սահմանադրության 166-րդ հոդվածով վճռաբեկ դատարանի նախագահի թեկնածուներին առաջարկում է Բարձրագույն դատական խորհուրդը, Վճռաբե

Գործող Սահմանադրությամբ արտահերթ ընտրություններ հնարավոր է անել առանց ռեյտինգային ընտրակարգի. սահմանադրագետ 12.05.2018 | ընտրական իրավունք

Գործող Սահմանադրությամբ արտահերթ ընտրություններ հնարավոր է անել առանց ռեյտինգային ընտրակարգի. սահմանադրագետ

ԱԺ-ում մեծամասնություն ունեցող ՀՀԿ-ի դիմադրության պայմաններում արտահերթ խորհրդարանական ընտրությունների ու ԸՕ փոփոխությունների սահմանադրական լուծումների առթիվ Forrights.am-ը զրուցել է իրավաբանական գիտությունների դոկտոր, Գերմանիայի Հագենի համալսարանի և Բեռլինի Տնտեսագիտության և իրավունքի ինս

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: