լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
24.05.2018 | արդար դատաքննության իրավունք

71 ամյա Խաչատուր Գիչյանը դատաբժշկական փորձաքննության կենթարկվի

71 ամյա Խաչատուր Գիչյանը դատաբժշկական փորձաքննության կենթարկվի
Ավան եւ Նոր Նորք դատարանում այսօր շարունակվել է «Սասնա Ծռեր» քրեական գործի քննությունը՝ 11 ամբաստանյալներով։ Այսօր խափանման միջոց կալանքը վերացնելու միջնորդությամբ հանդես եկավ Կարո Եղնուկյանի պաշտպան Տիգրան Հայրապետյանը և շուրջ 2 ժամ խորհրդակցական սենյակում անցկացնելուց հետո, դատավոր Արտուշ Գաբրիելյանը որոշեց Կարո Եղնուկյանի խափանման միջոցը փոխել եւ սահմանել գրավ՝ 10 մլն դրամի չափով։ 

Խափանման միջոցը փոխելու միջնորդություն ներկայացրեց նաեւ Խաչատուր Գիչյանի պաշտպան Մարինե Ֆարմանյանը։ Փաստաբանը միջնորդության հիմքում նշեց մեղադրյալի վատառողջ վիճակը, ինչպես նաեւ 71-ամյա տարիքը։ «Հաշվի առնելով դատարանի նախորդ որոշումը, ուզում եմ հայտարարել, որ Գիչյանը չունի ֆինանսական միջոցներ, ուստի չի կարողանա վճարել, եթե խափանման միջոց կալանքը գրավով փոխարինվի»,- իր խոսքում նշեց պաշտպան Ֆարմանյանը՝ դատարանին տրամադրելով ՔԿՀ-ի տրամադրած բժշկական եզրակացությունները։ 

Պաշտպանական կողմը միացավ միջնորդությանը, այնինչ մեղադրող-դատախազ Հակոբ Ենոքյանին չբավարարեց ՔԿՀ-ի տրամադրած փաստաթղթերը։ Անուշ Մխիթարյանն էլ իր հերթին առարկեց դատախազի խոսքերին. 

«Ձեր այս պատասխանով Դուք հաստատում եք այն իրողությունը, որ ՔԿՀ-ում չի կատարվում պատշաճ բուժօգնություն»։ Դատավորը լսելով դատավարական 2 կողմերին, հեռացավ խորհրդակցական սենյակ որոշում կայացնելու, ապա հրապարակեց այն՝ մերժելով ներկայացված միջնորդությունը։  

Մարինե Ֆարմանյանն այս անգամ միջնորդեց Խաչատուր Գիչյանի համար նշանակել դատաբժշկական փորձաքննությունը, որը կփաստի Գիչյանի վատառողջ լինելը։ Դատավոր Գաբրիելյանն այս անգամ 15 րոպե ընդմիջումով հեռացավ դահլիճից, ապա վերադառնալով՝ որոշեց բավարարել միջնորդությունը եւ Գիչյանին նշանակել դատաբժշկական փորձաքննություն։  

 Ռոզա Վարդանյան
551
Print
արդար դատաքննության իրավունք
Ռոբերտ Քոչարյանի նկատմամբ կիրառված կալանքի որոշման վերացումն ապօրինի է 13.08.2018 | արդար դատաքննության իրավունք

Ռոբերտ Քոչարյանի նկատմամբ կիրառված կալանքի որոշման վերացումն ապօրինի է

Հ վերաքննիչ քրեական դատարանի կողմից ՀՀ երկրորդ նախագահ Ռոբերտ Քոչարյանի նկատմամբ կիրառված կալանքի որոշման վերացումն ապօրինի է:  Այս մասին հայտնեցին ՀՀ Հատուկ քննչական ծառայության լրատվական ծառայությունից:

«ՀՀ վերաքննիչ քրեակ

Ռոբերտ Քոչարյանի կալանքի վերաբերյալ որոշումը կհրապարակվի երկուշաբթի 10.08.2018 | արդար դատաքննության իրավունք

Ռոբերտ Քոչարյանի կալանքի վերաբերյալ որոշումը կհրապարակվի երկուշաբթի

Վերաքննիչ քրեական դատարանում ավարտվեց  ՀՀ երկրորդ նախագահ Ռոբերտ Քոչարյանի կալանքը փոխելու և նրան գրավի դիմաց կալանքից ազատ արձակելու վերաբերյալ բողոքների քննությունը: Դատարանը որոշումը կհրապարակի օգոստոսի 13-ին՝ ժամը 16։00-ին։ Այս մասին շուրջ 2 ժամ դատարանի դիմաց սպասող լրագրողներին

Ժիրայր Սեֆիլյանը կրկին կհայտնվեր անազատության մեջ,  եթե  վճռաբեկ բողոք չներկայացվեր 10.08.2018 | արդար դատաքննության իրավունք

Ժիրայր Սեֆիլյանը կրկին կհայտնվեր անազատության մեջ, եթե վճռաբեկ բողոք չներկայացվեր

«Հիմնադիր խորհրդարան»-ի առաջնորդ Ժիրայր Սեֆիլյանի գործով Վճռաբեկ բողոք է ներկայացվել։  Նրա պաշտպան Արայիկ Պապիկյանը միջնորդել է արդարացման դատավճիռ կայացնել՝ ճանաչելով եւ հռչակելով  Ժիրայր Սեֆիլյանի անմեղությունը։  


լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: