լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
14.02.2018 | արդար դատաքննության իրավունք

«Սասնա Ծռեր»-ի գործով դատարանը շարունակում է հանրային պաշտպաններ պարտադրել

«Սասնա Ծռեր»-ի գործով դատարանը շարունակում է հանրային պաշտպաններ պարտադրել
Երևան քաղաքի ընդհանուր իրավասության առաջին ատյանի դատարանի Շենգավիթի նստավայրում այսօր շարունակվեց «Սասնա Ծռեր» քրեական գործի քննությունը՝ 10 ամբաստանյալներով: 

Դատարանը կողմերին հայտնեց, որ մի քանի դիմում է ստացել փաստաբաններից, որտեղ վերջիններս նշել էին, որ ի նշան փաստաբաններին մինչև 100.000 դրամ տուգանելու օրինագծի, իրենք գործադուլ են իրականացնում: 

Հարություն Բաղդասարյանը միակն էր պայմանագրային պաշտպաններից, որ ներկայացել էր նիստին: Վերջինս նշեց, որ եկել է հայտարարություն անելու. 

«Առանց փաստաբանների դատական նիստը շարունակելն անհամատեղելի է, քանի որ խախտվում է պաշտպանության իրավունքը: Ինձ թվում է՝ փաստաբանների չներկայանալը նիստին, դատարանի համար նորություն չէ: ՀՀ Ազգային ժողովը փորձում է մի քանի փաստաբանների նկատմամբ իրականացնել հաշվեհարդար: Որևէ մեկի համար գաղտնիք չէ, որ այս գործողությունն ուղղված է կոնկրետ այս գործով փաստաբանների դեմ: Ես լքում եմ դատական նիստերի դահլիճը»,- իր խոսքում նշեց նա և լքեց դահլիճը: 

Նիստերի դահլիճում մնացին «Սասնա Ծռեր» անդամները և առանց վերջիններիս համաձայնության գործի վարույթում ընդգրկված հանրային պաշտպանները: Մեղադրյալներից մեկը մյուսի հետևից դատարանին հայտարարեցին, որ առանց իրենց պաշտպանների չեն ցանկանում մնալ և շարունակել գործի քննությունը: 

«Ընկեր Մակյան, ուզում եմ իմանամ՝ էս Ձեր գերիներին ե՞րբ եք ազատելու: Ինձի պաշտպան պետք չի, ինձի հարձակվող ա պետք, ես գտնում եմ, որ մեր պաշտպանները ճիշտ են և ես միանում եմ իրենց գործադուլին: Իրանք հանուն մարդու իրավունքների ամեն ինչի պատրաստ են, մեռնեմ իրանց: Առանց իրանց ես ստեղ ոչինչ չունեմ անելու»,- դատարանին հայտնեց «Միայնակ Գայլ» Արայիկ Խանդոյանը: 

Պավլիկ Մանուկյանն էլ իր հերթին անդրադարձավ երեկ տեղի ունեցած Երևանի ավագանու նիստի միջադեպին, իր զորակցությունը հայտնելով «Երկիր Ծիրան»-ի խմբակցության ավագանու անդամ Մարինա Խաչատրյանին. 

«Կեցցե՛ այդ հերոսուհի հայուհին: Այն ինչի մենք ականատես եղանք, դա մեկ անգամ ևս ապացուցեց, որ այս իշխանությունը ոչ մի օրենքի սահմաններում չի գործում, օրենքը գործում է իրենց համար՝ ինչքան ուզում խփում են, ում ուզում խփում են: Հետևաբար, խոսել այստեղ արդարադատությունից, դա ես համարում եմ անհեթեթություն»։ 

Դատավոր Մեսրոպ Մակյանը դիմեց մեղադրող կողմին, ցանկանալով լսել նաև նրանց դիրքորոշումը, որն ընդհատեց Գագիկ Եղիազարյանը. «Մինիմեջլիսի դատախազներ ոնց որ լինեք»,- որակեց մեղադրող դատախազներին, ինչի պատճառով էլ դատավոր Մակյանի կողմից «արժանացավ» սանկցիայի և նիստերի դահլիճից հեռացվեց ավելի քան 20 ժամով: 

Դատախազ Պետրոս Պետրոսյանը հայտնեց, որ մեղադրյալների պաշտպանությունն ապահովելու   համար դատարանը պետք է գործում ներգրավի այլ պաշտպանների: Լսելով կողմերի դիրքորոշումները, դատավոր Մակյանը որոշեց դիմել Հանրային պաշտպանի գրասենյակ՝ մեղադրյալներից մի քանիսի պաշտպանական իրավունքը պահպանելու համար: Նա նշեց, թե տեղյակ է, որ Փաստաբանների պալատի նախաձեռնող խումբը կոչ է արել դադարեցնել գործադուլը, այնինչ այս գործով փաստաբաններն առանձին գործադուլ են հայտարարել, որի դադարեցման ժամկետն անհայտ է. 

«Դատարանը գտնում է, որ նման գործողությունները պետք է արվեն այն հաշվառմամբ, որպեսզի չխոչընդոտվի գործի քննությունը: Դատարանը չի ողջունում չներկայացած փաստաբանների վարքագիծը, որովհետև նույն հաջողությամբ՝ տարբեր խնդիրների վերաբերյալ տարբեր փաստաբաններ կարող են անընդհատ գործադուլ անել, որը կարող է տևել ամիսներ կամ տարիներ», իր խոսքն ավարտեց դատավոր Մակյանը:  

Նիստը հետաձգվեց, քրեական գործի քննությունը կշարունակվի փետրվարի 21-ին՝ նոր հանրային պաշտպաններով: 

 Ռոզա Վարդանյան
231
Print
արդար դատաքննության իրավունք
«Սասնա Ծռեր»-ի գործով դատարանը շարունակում է հանրային պաշտպաններ պարտադրել 14.02.2018 | արդար դատաքննության իրավունք

«Սասնա Ծռեր»-ի գործով դատարանը շարունակում է հանրային պաշտպաններ պարտադրել

Երևան քաղաքի ընդհանուր իրավասության առաջին ատյանի դատարանի Շենգավիթի նստավայրում այսօր շարունակվեց «Սասնա Ծռեր» քրեական գործի քննությունը՝ 10 ամբաստանյալներով: 

Դատարանը կողմերին հայտնեց, որ մի քանի դիմում է ստացել փաստաբ

«Անգամ ՓՊ պալատի հանդեպ դատարանների հովհանվորչությունը երբեմն ճաքեր  է տալիս» 14.02.2018 | արդար դատաքննության իրավունք

«Անգամ ՓՊ պալատի հանդեպ դատարանների հովհանվորչությունը երբեմն ճաքեր է տալիս»

Փաստաբան Լուսինե Սահակյանը արդարադատության հաղթանակ է գնահատում Երևան քաղաքի ընդհանուր իրավասության դատարանի դատավոր Հայարփի Զարգարյանի վճիռը, որով դատարանը անվավեր ճանաչեց փաստաբանական պալատի՝ իրեն կարգապահական տույժի ենթարկելու որոշումը, մինչդեռ ՓՊ նախագահ Արա Զոհրաբյանը պատրաստվում է

«Դուք ամեն ինչ անում եք, որպեսզի ամբաստանյալներն ու մենք լքենք նիստերի դահլիճը» 13.02.2018 | արդար դատաքննության իրավունք

«Դուք ամեն ինչ անում եք, որպեսզի ամբաստանյալներն ու մենք լքենք նիստերի դահլիճը»

Երևան քաղաքի ընդհանուր իրավասության դատարանի Ավան և Նոր Նորք վարչական շրջանի նստավայրում այսօր «Սասնա Ծռեր» խմբի 11 անդամները բոյկոտեցին քրեական գործի քննությունը: Վերջիններիս պաշտպանները՝ ի նշան փաստաբաններին մինչև 100.000 դրամ տուգանելու օրինագծին, արդեն մոտ մեկ շաբաթ է գործադուլի մեջ

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: