լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
13.02.2018 | արդար դատաքննության իրավունք

«Դուք ամեն ինչ անում եք, որպեսզի ամբաստանյալներն ու մենք լքենք նիստերի դահլիճը»

«Դուք ամեն ինչ անում եք, որպեսզի ամբաստանյալներն ու մենք լքենք նիստերի դահլիճը»
Երևան քաղաքի ընդհանուր իրավասության դատարանի Ավան և Նոր Նորք վարչական շրջանի նստավայրում այսօր «Սասնա Ծռեր» խմբի 11 անդամները բոյկոտեցին քրեական գործի քննությունը: Վերջիններիս պաշտպանները՝ ի նշան փաստաբաններին մինչև 100.000 դրամ տուգանելու օրինագծին, արդեն մոտ մեկ շաբաթ է գործադուլի մեջ են, ուստի մեծ մասն այսօր նիստին չէր ներկայացել: 

«Սասնա Ծռեր» խմբավորման անդամները դատարանին հայտարարեցին, որ առանց իրենց պաշտպանները չեն պատրաստվում մնալ նիստերի դահլիճում, ուստի լքում են: Նախագահող դատավոր Արթուր Օհանյանը թույլ չտվեց նրանց, ինչը բորբոքեց մեղադրյալներին. 

«Ես լքում եմ նիստերի դահլիճը, քանի որ չեմ ցանկանում մնալ նույն վայրում, որտեղ գտնվում է այն դատախազը, որն ազգային հերոս Ժիրայր Սեֆիլյանի համար 11 տարվա ազատազրկում է պահանջում»,- ասաց Արամ Հակոբյանը:

Նիստերի դահլիճում գտնվող պաշտպան Հարություն Բաղդասարյանն էլ իր հերթին հայտարարեց, որ գորադուլի մեջ է գտնվում և դատարան է ներկայացել միայն հայտարարություն անելու համար. 

«Դուք այդ օրենքն ընդունելով սահմանափակում եք մեր իրավունքները, հաջորդ անգամ իմ այս հայտարարության համար Դուք տուգանելու եք ինձ 100.000 դրամով: Այսօրվա ստեղծված իրավիճակի համար միայն Դուք եք մեղավոր, Դուք ամեն ինչ անում եք, որպեսզի ամբաստանյալներն ու մենք լքենք նիստերի դահլիճը»,- նշեց փաստաբանը և լքեց նիստերի դահլիճը: Նրան հետևեցին մեղադրյալները, չնայած դատավոր Օհանյանի նախազգուշացումներին և հորդորներին: 

Դատարանը նրանց նկատմամբ կիրառեց դատական սանկցիա և հեռացրեց նիստերի դահլիճից 10 ժամով: Քաղաքացիների համար նախատեսված դահլիճում գտնվող «Սասնա Ծռեր» համախոհները ևս բոյկոտեցին նիստը և լքեցին դատարանը՝ կիսադատարկ թողնելով այն:

Այնուամենայնիվ, դատարանը որոշեց առանց մեղադրյալների և պաշտպանների շարունակել քրեական գործի ընթացքը, նշելով, որ դահլիճում գտնվում են 3 հանրային պաշտպանները, ուստի չի խախտվի ամբաստանյալների պաշտպանական իրավունքները: Դատախազ Հակոբ Ենոքյանը շարունակեց հրապարակել գրավոր ապացույցները՝ գրեթե դատարակ դահլիճում:       

Ռոզա Վարդանյան
606
Print
արդար դատաքննության իրավունք
Վանաձորում մեկնարկել է Ալավերդու Վահագի գործով դատաքննությունը 18.07.2018 | արդար դատաքննության իրավունք

Վանաձորում մեկնարկել է Ալավերդու Վահագի գործով դատաքննությունը

Այսօր Լուռու մարզի ընդհանուր իրավասության դատարանի Վանաձորի նստավայրում մարդաշատ էր: Ալավերդի քաղաքից հոծ բազմություն էր ժամանել՝ ոտքից գլուխ սև հագնված տղամարդիկ, դաջվածքներով երիտասարդներ: Նրանք եկել էին մասնակցելու իրենց քաղաքի հայտնի հեղինակություն Վահագն Աբգարյանի գործով դատական նիս

Մխիթար Ավետիսյանը և Էդվարդ Գրիգորյանը հերքում են Պավլիկ Մանուկյանի աղմկահարույց հայտարարությունը 18.07.2018 | արդար դատաքննության իրավունք

Մխիթար Ավետիսյանը և Էդվարդ Գրիգորյանը հերքում են Պավլիկ Մանուկյանի աղմկահարույց հայտարարությունը

«Հայտարարված ոչ մի բառ իրականությանը չի համապատասխանում: Գալիս ես դատարան, էդ մարդկանց չես էլ տեսնում, ոչ մի բառ չես փոխանակում, մեկ էլ հանկարծ սենց բան ես լսում: Մեր բոլորի համար անսպասելի էր Պավլիկի խոսքերը»,- Forrights_ի հետ զրույցում նշեցին «Սասնա Ծռեր»-ի անդամներ Մխիթար Ավետիսյանն ո

Կուրսանտի սպանության մեջ մեղադրվող 22-ամյա Ազարյանի համար հանրային պաշտպան կներգրավվի 17.07.2018 | արդար դատաքննության իրավունք

Կուրսանտի սպանության մեջ մեղադրվող 22-ամյա Ազարյանի համար հանրային պաշտպան կներգրավվի

Երևանի ընդհանուր իրավասության դատարանի Ավանի նստավայրում այսօր կրկին հետաձգվեց Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի՝ առանձնակի դաժան սպանության գործով նիստի քննությունը. 4 մեղադրյալներից մեկի՝ Մովսես Ազարյանը, այս անգամ եւս նիստին ներկայացել էր առանց պաշտպա

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: