լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
3.05.2018 | խոսքի ազատություն

Փաստաբանները պահանջում են ՀՔԾ պետի հրաժարականը

Փաստաբանները պահանջում են  ՀՔԾ  պետի հրաժարականը
Փաստաբաններ Հայարփի Սարգսյանը և Արա Ղարագյոզյանը վաղ առավոտյան պաստառներով եկել էին Հատուկ քննչական ծառայության շենքի մոտ և պահանջում էին կառույցի պետի՝ Վահրամ Շահինյանի հրաժարականը: 

Վերջիններս պատճառաբանում էին,  որ այսքան տարիներ կառույցը ղեկավարելով, նրանից որևէ արդյունավետ քննություն ՀՔԾ-ից չեն տեսել. 

«Հատուկ քննչական ծառայության գործառույթի մեջ է մտնում զբաղվել այն գործերով, որոնք առնչվում են ընտրությունների ժամանակ տեղի ունեցած իրավախախտումների, խաղաղ հավաքների ժամանակ քաղաքացիների նկատմամբ կիրառված բռնությունների և այլ կարևորագույն գործերի քննությամբ, որոնք, սակայն մինչև օրս այդպես էլ չեն բացահայտվում, որևէ մեկը չի ենթարկվում պատասխանատվության, ինչը խրախուսում է այդպիսի իրավախախտումների շարունակականությունը և անպատժելիությունը: Եթե ՀՔԾ պետն այս ամենը չի կարողանում վերահսկել, ապա անհապաղ պետք է հրաժարական տա»,- Forrights-ի հետ զրույցում նշեց Հայարփի Սարգսյանը:

2015թ. սկսված ցանկացած խաղաղ հավաքն ուղեկցվել է բռնությամբ. մեծ թվով ոստիկանական ուժերի կուտակում, բռնի գործողություններ, բերման ենթարկված քաղաքացիներին և, իհարկե, հատուկ միջոցների կիրառում: «Էլեկտրիկ Երևան»-ի ցույցերին Ոստիկանական զորքերի կողմից օգտագործվեց ջրցան մեքենա, ինչի պատճառով տուժեցին ոչ միայն խաղաղ ցուցարարները, այլև այդ ամենը լուսաբանող լրագրողները: Դեպքի առթիվ հարուցվեցին քրեական գործեր, որոնք մինչև օրս օդում կախված են. 

 «Հարուցված քրեական գործերի շրջանակներում պարզվեց, որ ջրցան մեքենան խափանված է եղել, ուստի դրանով է պայմանավորված եղել ջրի ուժեղ շիթը, այնինչ  այդ հանգամանքը որևէ կերպ չի արդարացնում իրենց գործողությունները: Բացի դրանից, խաղաղ ցուցարարների նկատմամբ քաղաքացիական հագուստով ոստիկանական անձիք բռնի ուժ են կիրառել, որոնց մասով ևս առկա են ապացույցները, սակայն 3 տարի անց էլ որևէ արդյունքի չենք հասել»,- հայտարարեց փաստաբան Սարգսյանը:  

Ընդամենը օրեր առաջ՝ խաղաղ հավաքների ժամանակ, օրական մոտ 100 քաղաքացի էր բերման ենթարկվում, որոնք օրենքով սահմանված 3 ժամից ավել պահվելով ոստիկանական բաժանմունքներում, ազատ էին արձակվում փաստաբանների միջամտությունից հետո միայն, ցուցարարների մի մասն էլ՝ ենթարկվում վարճական տուգանքի: Forrights-ի հետ զրույցում, Արա Ղարագյոզյանն անդրադարձավ այս դեպքերին, նշելով, որ ՀՔԾ պետի հրաժարականի ակցիան ուղղված է նմանատիպ գործերի կոծկման փաստին. 

«Վերջերս հարուցված քրեական գործով 2 անձ՝ Տիգրան Մազմանյանն ու Դավիթ Սանասարյանն ապօրինի կալանավորվեցին: Չնայած այն հանգամանքին, որ քաղաքական որոշումից հետո նրանք ազատ արձակվեցին, մինչ օրս նրանց դեմ կա «Զանգվածային անկարգություն կատարել»-ու մեղադրանքը: Ոստիկանները ծեծում-ջարդում են՝ չկա մեղադրանք, իսկ այն մարդիկ, որոնք իրենց խոսքի ազատությունն են իրականացնում, հետապնդվում են Հատուկ քննչական ծառայության կողմից…Արդա՞ր է»,- իր խոսքն ավարտեց փաստաբանը:             

Ռոզա Վարդանյան 
6572
Print
խոսքի ազատություն
«Առողջականս լավ է, տրամադրությունս՝ հրաշալի». հացադուլի 24-րդ օրը 17.05.2018 | խոսքի ազատություն

«Առողջականս լավ է, տրամադրությունս՝ հրաշալի». հացադուլի 24-րդ օրը

«Առողջականս լավ է, տրամադրությունս՝ հրաշալի»,- այսպես նկարագրեց իրեն՝ շուրջ 24 օր հացադուլի մեջ գտնվող «Հիմադիր խորհրդարան»-ի նախագահ Գարեգին Չուգասզյանը: Վերջինս նշեց, որ գտնվում է բժշկական շուրջօրյա վերահսկողության ներքո, որևէ առողջական խնդիր կամ բողոք չունի: Չուգասզյանը ներողություն

Հայ ժողովուրդը պետք է կարողանա պաշտպանել սեփական նվաճումները 17.05.2018 | խոսքի ազատություն

Հայ ժողովուրդը պետք է կարողանա պաշտպանել սեփական նվաճումները

Քաղբանտարկյալ Շանթ Հարությունյանի կոչը Վարդաշեն ՔԿՀ-ից․ «Չնայած նրան, որ ես և Նիկոլ Փաշինյանն ունենք գաղափարական և մոտեցումային տարբերություններ կապված Հայաստանի արտաքին ուղղվածության հետ, այնուամենայնիվ, հարկ եմ համարում՝ չհավակնելով դիմել ողջ ժողովրդին, դիմել իմ բոլոր համախոհներին և բոլ

«եթե մենք բոլոր հարցերը միանգամից փորձենք լուծել, բոլոր հարցերի լուծումը միանգամից կձախողենք» 17.05.2018 | խոսքի ազատություն

«եթե մենք բոլոր հարցերը միանգամից փորձենք լուծել, բոլոր հարցերի լուծումը միանգամից կձախողենք»

Անդրադառնալով վերջին օրերին նոր թափ առած գործադուլներին ու բողոքի ակցիաներին, վարչապետ Նիկոլ Փաշինյանը կառավարության նիստից հետո հանդիպեց կառավարության շենքի մոտ բողոքի ակցիա անող ցուցարարներին.

«Ես ոչ մի սաբոտաժի տարր չեմ

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: