լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
26.12.2017 | բանակ

զինվորի գլխին կրակած սպան «անբասիր վարքով» ծառայում է ՀՀ Զինված ուժերում (տեսանյութ)

զինվորի գլխին կրակած սպան «անբասիր վարքով» ծառայում է ՀՀ Զինված ուժերում (տեսանյութ)
Պաշտպանության նախարարությունը հրաժարվում է օգնել վիրավոր զինվորին   

Ապրիլյան քառօրյա պատերազմը դիմագրաված, սակայն դրանից ամիսներ անց Հադրութում իր իսկ սպայի կողմից գլխի ծանր վիրավորում ստացած նախկին զինծառայող՝ 21-ամյա Ալբերտ Դալլաքյանի մայրն արդեն մոտ 6 ամիս փորձում է գումար հայթհայթել՝ որդու վիրահատությունը Գերմանիայում իրականացնելու համար:   

ՊՆ սպա Ավագ Նահապետյանի կրակոցի արդյունքում ուղեղի մի մասը վնասած ու առաջին կարգի հաշմանդամ դարձած զինվորի մորը պաշտպանության նախարարությունում մերժել են՝ ասելով, որ արտերկրում զինծառայողների բուժումը կազմակերպելը պաշպանության նախարարության իրավասությունը չէ և ուղարկել առողջապահության նախարարություն:   Առողջապահության նախարարությունը ևս հրաժարվել է պետբյուջեից գումար տրամադրել՝ առաջարկելով Հայաստանում կատարել վիրահատությունը, սակայն, ինչպես Ալբերտի մայրը՝ Արմինե Ղազարյանն է ասում, պարզվել է, Հայաստանում նման վիրահատությունն արվում է հին սարքավորումով, ինչը էական ռիսկ է պարունակում, և կա մեկ մասնագետ:   

«Չեմ կարող ռիսկի գնալ, ասել էստեղ անենք՝ ինչ կլինի, կլինի, որովհետև էդ վիրահատությունից կախված է Ալբերտի ողջ հետագա կյանքը: Հայաստանում վտանագավոր է վիրահատություն անելը, քանի որ սարքավորում չկա: Էստեղ ոչ մի երաշխիք չեն տալիս, որ լավ ելք կլինի»,- Forrights.am-ի հետ զրույցում ասաց Արմինե Ղազարյանը՝ շարունակելով.   

«Եթե Աստված մի արասցե, վիրահատության ժամանակ սնուցող անոթ կամ նյարդ փակեն, Ալբերտը կզրկվի վերջույթների շարժումներից, տեսողությունից: Ես միանշանակ չեմ գնա ռիսկի, որովհետև իրոք իմ երեխան վերածնվել է. 26 օր անգիտակից է եղել, արթնացել է, տեսողություն չի ունեցել, ինձ չի ճանաչել, հիմա խոսում, քայլում, մասնակի տեսնում է և հիշողությունը վերականգնվում է»:    

Հայաստանում Ալբերտի գլուխը 3 անգամ բավական հաջող վիրահատել են՝ փրկելով նրա կյանքը, սակայն անհրաժեշտ է անոթների ևս մեկ բարդ վիրահատություն:   Ուղեղի անոթների վերջին վիրահատության համար անհրաժեշտ սարքավորումներով հագեցած գերմանական կլինիկան մոտ 40 հազար եվրո գումար է ուզել Ալբերտի վիրահատության համար, որը տարիուկես զինվորի առողջության համար մաքառող ընտանիքը չունի, պետությունն էլ հրաժարվել է տալ:   

«Լավ, ուղղակի զարմանում եմ: Իմ երեխան Ռուսաստանից ուսումը կիսատ թողեց, եկավ ծառայելու: Առողջ, մարզիկ տղա, գնա ծառայի, կես մարդ սարքեն, հիմա վսյո, էլ ոչ մի բանի հետ գործ չունե՞ն».-հարց է բարձրացնում զինվորի ծնողը՝ հավելելով. «Մեր պետությունը, մեր նախագահը գոնե ինչ որ չափով մասնակից լինեն էս գումարը հավաքեն, որ իմ երեխուն էս մի շանսն էլ տան: Ամեն վայրկյան վտանգը կա, Ալբերտի մոտ ցնցումներ լինում են, գանգի մի մասը չկա, ճնշումը մեծ չափերով տատանումներ է տալիս: Վտանգ կա, որ այդ հագույցը կպայթի»:   

Պետությունը առաջին կարգի վիրավոր զինվորին ամսական 90 հազար դրամ գումար է տալիս, իսկ ծնողի դիմումից հետո ՊՆ-ն մի քանի ամսվա վարձի գումար է տվել, քանի որ Ռուսաստանից եկած Ալբերտի ընտանիքն այստեղ այժմ վարձով է ապրում:     Ալբերտի դեղորայքի գումարն էլ բարերարներն են տալիս: 

«Ես չգիտեմ՝ Ալբերտի 90 հազար թոշակով դեղորայք առնե՞մ, թե՞ ուտելիք, թե՞ որ կարիքը հոգամ»,-ասաց մայրը՝ հավելելով. «Պետությունը ընդհանրապես մոռացել է: Մեր պետությունը, մեր նախագահը պետք է ուշադրություն դարձնեն: Զինվորն եկավ, ծառայեց, վիրավորվեց՝ վերջ, անպետք իրի նման կշպրտեն ու կմոռանան: Էջը կփակեն, կանցնեն առաջ»:    

Ռուսաստանում ուսումը կիսատ թողած ու կամավոր Հայաստան վերադարձած Ալբերտի մայրն այսօր ամենաշատը նեղվում է խնդրողի իր դերից, որ տղային ոտքի կանգնեցնելու 1.5 տարվա անպատմելի տառապանքներին ու ջանքերին զուգահեռ, ստիպված է խնդրել տղայի վիրահատության գումարի համար:    

«Իմ էս վիճակում, զինվորիս համար պայքար մղելով, հիմա էլ պետք ա ողորմություն խնդրելով զբաղվեմ, որ մեր ժողովրդին իրոք խնդրեմ մասնակից լինեն, էս գումարը հավաքեն, որ իմ զինվորի կյանքը փրկվի», -ասաց Արմինե Ղազարյանը:   

Զինվորի գլխին կրակած սպան, պարզվում է, ըստ ՊՆ-ի «անբասիր ծառայող է», ու շարունակում է դիրքերում աշխատանքը     

Ալբերտի մայրը մեկ այլ ցավ ևս ունի. Ալբերտին ծանր վիրավորած սպա Ավագ Նահապետյանը մինչ այժմ պատասխան չի տվել, քրգործի քննությունը դեռ շարունակվում է: Ավելին, նա շարունակում է աշխատանքը Հադրութի դիրքերում:   

«Ոչ մի բանով չի օգնել, այսքան ժամանակ չի հետաքրքրվել Ալբերտի վիճակով: Սկզբում ասում էին՝ հանկարծակիի է եղել, բայց ինչ է նշանակում, որ սպան կարա զենք բարձրացնի ու զնիվորի գլխին կրակի, իր մանկամտության, թե հղփածածության պատճառով կարա մի ամբողջ ընտանիք կաթվածահար անի ու լույս ու ճրագրից կտրի»,-ասաց զինվորի մայրը՝ շարունակելով. «Իմ նման շատ մայրեր այսօր նույն վտանգի առաջ են, որ իրենց երեխեն նրա ենթակայության տակ ծառայում է: Սա աններելի բան ա, որ կարա մեր պետությունը աչք փակի դրա վրա: Սա ցավի մյուս կողմ է»:    

Ալբերտ Դալլաքյանին վիրավորելու համար Քրեական օրենսգրքի 373-րդ հոդվածի 2-րդ մասի հատկանիշներով մեղադրանք է առաջադրվել դասակի հրամանատար, լեյտենանտ Ավագ Նահապետյանին: Ըստ Քննչական կոմիտեի տարածած հաղորդագրության՝ նախնական քննության տվյալներով՝ ժամկետային զինծառայող, շարքային Ալբերտ Դալլաքյանը գլխի շրջանում հրազենային վիրավորում է ստացել 2016թ. հունիսի 24-ին՝ ժամը 16:10-ի սահմաններում, N զորամասի պահպանության տակ գտնվող մարտական դիրքի գետնատնակում՝ դասակի հրամանատարի կողմից զենքի հետ վարվելու կանոնները խախտելու հետևանքով:    

Մասնավորապես՝ պարզվել է, որ դասակի հրամանատար, լեյտենանտ Ավագ Նահապետյանը ինքնաձիգը լիցքավորելուց հետո պատահաբար սեղմել է ձգանը, ինչի արդյունքում արձակված գնդակը դիպել է գետնատնակում գտնվող Ա.Դալլաքյանի գլխին՝ անզգուշությամբ պատճառելով գլխի հրազենային գնդակային միջանցիկ վիրավորում՝ կյանքին վտանգ սպառնացող:   Իսկ դատարանում զինվորին վիրավորած սպան բնութագիր է բերել ղեկավարությունից, որ ինքն անբասիր ծառայող է. 

«Բնութագիր են տվել, որ նա անբասիր վարքի տեր սպա է, այսինքն, դա լա՞վ արարք է իրենց սպայի կողմից»,-ՊՆ-ին հարց է ուղղում որդու վիճակից խիստ նեղված մայրը, ով 1.5 տարի պայքարում է Ալբերտին կյանք վերադարձնելու համար:   Մանրամասները դիտեք տեսանյութում:   

Արտերկրում վիրահատվելու համար Ալբերտին օգնել ցանկացողները կարող են դիմել նրա մորը՝ Արմինե Ղազարյանին հետևյալ հեռախոսահամարով՝ +37495 96 46 96 

Ալբերտ Դալլաքյանի վիրահատության համար «Յունիբանկում» կա բացված հաշվեհամար Արմինե Ղազարյանի անվամբ: 

24100365620400-Դրամ 

24100365620401-Ամերիկյան դոլար 

24100365620402-Եվրո SWIFT: UNIJAM22   



 Մարինե Խառատյան
15778
Print
բանակ
ՀՔԱՎ: տեղեկանք 2018 թ. առաջին կիսամյակում ՀՀ և ԱՀ (ԼՂ) զինված ուժերում մահացության դեպքերի մասին 10.07.2018 | բանակ

ՀՔԱՎ: տեղեկանք 2018 թ. առաջին կիսամյակում ՀՀ և ԱՀ (ԼՂ) զինված ուժերում մահացության դեպքերի մասին

Զանգվածային լրատվամիջոցներով, պաշտոնական աղբյուրներով տարածված ու մահացած զինծառայողների հարազատներից Հելսինկյան քաղաքացիական ասամբլեայի Վանաձորի գրասենյակի ստացած տեղեկությունների համաձայն՝ 2018 թ. առաջին կիսամյակում Հայաստանի Հանրապետության և Արցախի Հանրապետո

Կուրսանտի սպանության գործի քննությունը կրկին հետաձգվեց 10.07.2018 | բանակ

Կուրսանտի սպանության գործի քննությունը կրկին հետաձգվեց

Երևանի ընդհանուր իրավասության դատարանի Ավանի նստավայրում այսօր կրկին հետաձգվեց Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի՝ առանձնակի դաժան սպանության գործով նիստի քննությունը. 4 մեղադրյալներից մեկի՝ Մովսես Ազարյանը նիստի էր ներկայացել առ

«Դա շատ բնական ու նորմալ բան է, որ գնում եմ ծառայության:  Անբնական երևույթ է բանակ չգնալը» 9.07.2018 | բանակ

«Դա շատ բնական ու նորմալ բան է, որ գնում եմ ծառայության: Անբնական երևույթ է բանակ չգնալը»

Օրենքի առաջ բոլորը պետք է հավասար լինեն, եթե նույնիսկ ինչ-որ մեկն ուզի չծառայել, օրենքը դա իրեն չպետք է թույլ տա: Այստեղ խնդիրն այն է, որ օրենքը չի գործել, և մարդիկ կարողացել են ինչ-որ ձևով խարդախություն անել»,- կենտրոնական հավաքակայանում լրագրողների հետ զրույցում ասել է վարչապետ Նիկ

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: