լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
29.08.2017 | բանակ

Կյանքով հերոսները ինքնասպանություն չեն գործում

Կյանքով հերոսները ինքնասպանություն չեն գործում
Արմեն Մկրտչյանը խորությամն գիտի այս խոսքերի իմաստը: Նա արցախյան պատերազմի հենց առաջին օրերին է զինվորագրվել Ապարանում ձևավորված առաջին ջոկատին և մեկնել պատերազմի դաշտ, որտեղ շատ բան է տեսել և հասկացել: Ու հիմա , երբ հերոս որդու, հայոց բանակի կապիտան Անդրանիկ Մկրտչյանի մահը որակել են ինքնասպանություն, հայրը գիտի, որ որդին նման քայլի չէր գնա: «Նա կյանքով հերոս էր»: 

Որդու մահվան մասին լուրը Մկրտչյանների ընտանիքը ստացել է այն նույն օրը՝ օգոստոսի 20-ին, երբ  նա տուն էր եկել,  միասին էին անցկացրել, ապա վերադարձել էր Մեղրիի զորամաս, որտեղ ծառայում էր: Տրամադրությունը բարձր էր, տագնապալի և անհանգստացնող դրսևորումներ չի ունեցել: Ընտանիքի հետ կապի մեջ է եղել  նաև ճանապարհին,: Մոր հետ խոսել է տեղ հասնելուց հետո, իսկ ժամեր անց որդու մահվան լուրն են ստացել: Վերջին հաղորդագրությունը Անդրանիկը տեղ հասնելուց հետո գրել էր սիրած աղջկան, ում հետ պատրաստվում էր ամուսնանալ:  

Զորամասը կցկտուր բացատրություններ է տվել «ինքնասպանության» շուրջ, ինչը խորացրել է կասկածները, քննություն պետք է կատարվի, բայց մինչև քննությունը կարծես ինքնասպանության մասին որոշումն այլևս ընդունված է:  


Պաշտպանության նախարարությունը լուռ է մինչ այս պահը և որևէ  պարզաբանում չի տվել, թե ինչու են «կյանքով հերոսին» սպանված հայտնաբերել իր աշխատասենյակում 26 ամյա կապիտան Անդրանիկ Մկրտչյանին հողին են հանձնել առանց զինվորական կարգի: Զորամասից ներկա են գտնվել ոչ հրամանատարի մակարդակով, Պաշտպանության նախարարությունից  որևէ մեկը ներկա չի գտնվել հուղարկավորությանը: 

Ապարանում տպավորություն կար, որ հերոսին զրկել են բոլոր պատիվներից: Անդրանիկին Ապարանում ճանաչում են որպես հերոսի, որպես հավասարակշիռ և համեստ զինվոր երիտասդարդի: Հայրը՝ Արմեն Մկրտչյանը երկու որդիներից հայրենիքին արժանի զինվորներ է կերտել,  հարուստ գիտելիքներով , ուժեղ կամքով ու նվիրվածությամբ: Երկուսն էլ ավարտել են  Վազգեն Սարգսյանի անվան ռազմական ակադեմիան , երկուսն էլ հետախույզ են: Մայրը՝ Նարինեն առանձնացնում է Անդրանիկին.  

«Նա հզոր հետախպույզ էր, ոչ սովորական, խորքային հետախույզ էր»: 

Վերջին երկու տարիներին Անդրանիկը զինվորական ծառայության մեջ էր Հատուկ գնդում, որտեղից նրանց տանում էին թեժ կետեր: Հենց այստեղից է նա հայտնվել ապրիլյան պատերազմում՝ Թալիշի առաջնագծումւ. որտեղ և կնքվել է որպես հերոս:  Պարգևատրվել է Մարտական ծառայության մեդալով, ստացել է բազմաթիվ պատվոգրեր ու շնորհակալագրեր «ՀՀ և ԼՂՀ սահմանների հերոսական ու անձնուրաց  պաշտպանության, ինչպես նաև ապրիլյան քառօրյա և մայիսյան հաղթանակների համար»: 

«Որդիս է ապրիլյան պատերազմի հերոս Սասուն Մկրտչյանի մարմինը իր ձեռքերի վրա՝ կրակի միջով դուրս բերել, նա ինչպես կարող էր ինքնասպան լինել», պատմում է մայրը: Անդրանիկն այդ օրերի մասին շատ բան չի պատմել ընտանիքին: 

Տեղեկություններ կան, որ ապրիլյան պատերազմի օրերին, Անդրանիկն իր ընկերների հետ մի քանի կիլոմետր մտել են թշնամու թիկունք, սպասել են հրամանի և ամրացման, որպեսզի վերցնեն թշնամու դիրքերը, սակայն ստացել են նահանջ հրաման… 

Մայիսին ամսին, երբ Անդրանիկն արդեն վերադարձել էր Ղարաբաղից, ծառայակից ընկերների հետ միասին մի միջադեպի մասնակից  են դառնում ճանապարհային ոստիկանության աշխատակիցների հետ  և նրան Հատուկ գնդից տեղափոխոիմ են Մեղրի՝ Ագարակի զորամաս «Տարան էնտեղ, որ տղայիս գլուխն ուտեն» ասում է մայրը: 

Ժաննա Ալեքսանյան
3097
Print
բանակ
Ռոբերտ Քոչարյանն ազատ արձակվեց. 13.08.2018 | բանակ

Ռոբերտ Քոչարյանն ազատ արձակվեց.

ՀՀ երկրորդ նախագահ Ռոբերտ Քոչարյանը քիչ առաջ ազատ արձակվեց. Վերաքննիչ քրեական դատարանը հիմք ընդունելով նրա անձեռնալխելիությունը, փոխեց Քոչարյանի խափանման միջոց կալանքը։    

«Չի կարող անձը ենթարկվել պատասխանատվության

Վարչապետի որդին զինվորական երդում տալիս 13.08.2018 | բանակ

Վարչապետի որդին զինվորական երդում տալիս

Վարչապետ Նիկոլ Փաշինյանը հրապարակել է իր որդու՝ Աշոտ Փաշինյանի լուսանկարը, ով այսօր զինվորական երդում է տվել: 

«Որդիս՝ զինվորական երդում տալիս», – գրել է Փաշինյանը՝ Ֆեյսբուքի իր էջում տեղադրելով որդու լուսանկարը:
Շարունակում են բանակ զորակոչել առողջական խնդիրներ ունեցող երիտասարդներին 9.08.2018 | բանակ

Շարունակում են բանակ զորակոչել առողջական խնդիրներ ունեցող երիտասարդներին

Զինակոչիկների հիվանդությունների ախտորոշումը դեռևս պատշաճ մակարդակի վրա չէ: Այդ մասին է վկայում քաղաքացի Վաղարշակ Տոնապետյանի երկու որդիների պատմությունը: Նրա երկու որդիներն էլ բանակ զորակոչվելիս առողջական խնդիրներ են ունեցել, ինչին ՊՆ ռազմաբժշկական հանձնաժողովը պատշաճ ուշադրություն չի դա

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: