լ ր ա գ ր ո ղ ն ե ր   հ ա ն ու ն   մ ա ր դ ու   ի ր ա վ ու ն ք ն ե ր ի
ի ր ա վ ա կ ա ն    լ ր ա տ վ ա կ ա ն   կ ա յ ք
7.01.2016 | բանակ

«պապ ջան, եթե էսօր չմեռա, ուրեմն անմահ եմ»՝ տեսանյութ

«պապ ջան, եթե էսօր չմեռա, ուրեմն անմահ եմ»՝ տեսանյութ
Դեկտեմբերի 18-ին շարքային զինծառայող Սիդար Ալոյանը երկու անգամ էր թշնամու կրակի տակ հայտնվել: Առաջին անգամ նա մահվանից խուսափել էր առավոտյան, հրաշքով էր փրկվել, հակառակորդի կրակոցներից միայն զինվորական կասկան էր գլխից ընկել: 

19 ամյա զինվորը զանգահարել էր հորը՝ Իգոր Ալոյանին և արձանագրել. «Պապ ջան, եթե էսօր չմեռա, ուրեմն անմահ եմ»:     

Բայց ինչ եղավ՝ եղավ այդ օրը. օրվա վերջում թշնամու գնդակը գտավ նրան և Սիդարը զոհվեց: Հրազենային երկու վնասվածք էր ստացել, որոնցից մեկը` մահացու:     

«Սիդար, նշանակում է հով անող, ծառերի ստվեր գցող: Նա եկավ, բոլորիս վրա գցեց իր ստվերը ու գնաց... իր անվան պես»,- ողբում է Սիդարի տատը`  իրեն ազգությամբ քուրդ-եզդի համարող Զինան, ով պահել՝ մեծացրել է իր որդու՝ Իգորի չորս տղաներից առաջնեկին՝ Սիդարին:       

66 ամյա Զինան շատ էր սիրում թոռանը և կորստյան ցավն անտանելի է, սակայն զսպում է իրեն և փորձում է արժանապատվորեն ներկայացնել Սիդարին, ինչպես որ կա:       

«Սիդարը ծառայության գնալիս պարծենում էր: Ասում էր` էնպիսի պատիվ- հարգանքի կարժանանամ, որ անունս կթնդա աշխարհով: Մենք լաց էինք լինում… Հորն ու մորը ասում էր` մի վախեցեք, կտեսնեք, թե ինչպիսի հարգանքով կվերադառնամ: Ինչի՞ եք վախում: Ես ոչնչից չեմ վախենում»:     

Ըսռ պաշտոնական հաղորդագրության 2015թ. դեկտեմբերի 18-ին՝ ժամը 22:30-ի սահմաններում, հակառակորդի դիվերսիոն-հետախուզական խումբը հարձակում է իրականացրել N զորամասի պահպանության շրջանի մարտական հենակետի ուղղությամբ: Մարտական գործողությունների արդյունքում ստացած հրազենային մարմնական վնասվածքից զոհվել է ժամկետային զինծառայող շարքային Սիդար Իգորի Ալոյանը:       

Սիդարը գյուղի առաջին զոհն է: Արագածոտնի մարզի եզդիաբնակԱլագյազ գյուղի ողջ համայնքը՝ 110 ընտանիք սգում է զինվորի մահը: Ալագյազի գյուղապետը պատմում է, որ բոլորը  առանձնահատուկ վորաբերմունք ունեին Սիդարի նկատմամբ և գյուղի համար մեծ ողբերգություն է նրա մահը:       

«Ցավալի է, բայց այսպես է: Եթե պատերազմ է` զոհեր էլ պետք է տանք: Եթե բոլորը նահանջեն, այս երկիրը ո՞վ պետք է պահի»,- ասում է Ալագյազի գյուղապետ՝ Ազիզ Մհոյանը:     
Ալոյանների տան պատից կախված Սիդարի լուսանկարի շրջանակը փաթաթված է  եռագույն ժապավենով: : Տատը բացատրում է քրդական դրոշի գույների նշանակությունը.         

«Կարմիրը մեր արյունն է, դեղինը մեր արևն է, կանաչն էլ` հարատևությունը: Մեր դրոշի գույներն են»:     

Սիդարը Գյուղակադեմիայի ուսանող էր, Բոլոնյան պայմանագրով էր սովորում՝ ուսումը հետագայում արտասահմանում շարունակելու պայմանով: Նաև երաժշտական կրթություն էր ստացել՝դաշնակահար էր: Մեծ հաջողությունների էր հասել  սպորտում՝ արևելյան մարզաձևերից մի քանի գոտի ուներ:     

Գյուղապետն ասում է իր աչքի առաջ է մեծացել Սիդարը.       

«Նա շատ հանգիստ տղա էր, շատ հետաքրքիր բնավորությամբ: Ամբողջ օրը ճանապարհներին էր: Գնում էր Ապարան` երաժշտական դպրոց, հետո գնում էր կարատեի դասերի: Նա Բաթումիում սեւծովյան ավազանի մրցաշարին էր մասնակցել, երկրորդ տեղն էր զբաղեցրել ու հաղթեց ադրբեջանցի հակառակորդին: Սա շատ հետաքրքիր բան էր…»:     Հաղթել էր, բայց ընկավ հակառակորդի գնդակից:     

Սիդար Ալոյանը զինվորական ծառայության մեջ գտնվեց 11 ամիս: Ծնողմերը մեկ անգամ են այցելել իրենց որդուն այդ ամիսների ընթացքում՝ մասնակցել են զինվորական երդման արարողությանը: Ալագյազ մեր այցելության օրը՝ Սիդարի մահվան 7-րդ օրն էր: Սիդարի մայրը՝ 39 ամյա Խաթունը մեր հարցերին պատասխանում է լռությամբ և բացակայող հայացքով: Խոսում էր միայն տատը՝ Զինան՝ մեծի իրավունքով:     

«Կցանկանայի, որ Սիդարը Հայաստանում զոհված վերջին զինծառայողը լիներ: Ինչքան սա հայերի, այդքան էլ եզդիների հայրենիքն է: Մենք ապրել ենք միասին կողք-կողքի: Վիշտը մեծ է, իմ թոռն է, բայց նա նամուսով, թասիբով է մահացել, չի լքել իր պոստը, մնացել է կանգուն…», ապա խոսակցությունը կտրուկ ընդհատում է՝ «Մենք պիտի գնանք սար»:     

Նա տեղից վեր է կենում, կանայք նրան ուղեկցում են դեպի դուռը և հավաքված մարդիկ սկսում են դանդաղ բարձրանալ գյուղին մոտ գտնվող սարը: Ալագյազի գերեզմանատունը սարի վրա է, այդ բարձունքում է թաղված Սիդարը:       

Հ,Գ. Դեպքի առթիվ ԶՔԳՎ առաջին կայազորային քննչական բաժնում հարուցվել է քրեական գործ՝ կազմակերպված խմբի կողմից, ազգային, ռասայական կամ կրոնական ատելության կամ կրոնական մոլեռանդության շարժառիթով սպանություն կատարելու հատկանիշներով:      

ԼՂՀ նախագահ Բակո Սահակյանը Սիդար Ալոյանին  հետմահու պարգևատրել է  Արիության մեդալով:   

Անի Գևորգյան   

Տեսանյութ՝ Թեհմինե Ենոքյան
3426
Print
բանակ
«Երբ սպանում են զինվորին՝ մահանում է ոչ միայն զինվորը, այլ մի ամբողջ ընտանիք». սպանված կուրսանտի հայր 11.12.2017 | բանակ

«Երբ սպանում են զինվորին՝ մահանում է ոչ միայն զինվորը, այլ մի ամբողջ ընտանիք». սպանված կուրսանտի հայր

«Թող ցանկացած զինվոր հասկանա, որ իր կողքի զինվորներից ամեն մեկը մի տան ճրագ է. Երբ սպանում են զինվորին՝ մահանում է ոչ միայն այդ զինվորը, այլ մի ամբողջ ընտանիք՝ նրանք էլ դատապարտվում են դանդաղ մահվան»,- Forrights.am-ի հետ զրույցում ասաց Վազգեն Սարգսյանի անվան ռազմական ինստիտուտում սպանվա

զինվորական դատախազությունը ճնշում է գործադրում անչափահաս վկայի նկատմամբ 8.12.2017 | բանակ

զինվորական դատախազությունը ճնշում է գործադրում անչափահաս վկայի նկատմամբ

Զինվորական դատախազությունը Ռազմական ոստիկանության միջոցով ճնշումներ  է սկսել Մեղրիի զորամասում օգոստոսի 20-ին մահացած կապիտան Անդրանիկ Մկրտչյանի ընկերուհու՝ 17-ամյա Աննա Ավետիսյանի նկատմամբ։ Վերջինս Անդրանիկ Մկրտչյանի մահվան փաստով հարուցված քրեական գործում կարևոր վկա է։ Ցուցմունք

«ինձ մոտ 800 մետր քարերի ու հողերի միջով ընկերներս ձեռքերի վրա իջեցրել են դիրքերից» (տեսանյութ) 5.12.2017 | բանակ

«ինձ մոտ 800 մետր քարերի ու հողերի միջով ընկերներս ձեռքերի վրա իջեցրել են դիրքերից» (տեսանյութ)

«Ձայներ պարբերաբար լսվել էին, բայց դեպքի օրը ձայները արտասովոր էին ու մոտ, զենքի լիցքավորման ձայներ եմ լսել և ոտնաձայներ: Բարձրացա, որ դիտարկում անեի, բայց այնքան, որ չերևամ, հենց թեքվելու պահին էլ կրակեցին»: Թշնամու դիպուկահարի արձակած 2 գնդակից 1-ը վնասել է Լևոնի աջ թոքը, լյարդ

լրագրողներ հանուն մարդու իրավունքների | 530840 ; 093589631 | info@jfhr.am Մեջբերումներ անելիս հղումը «JFHR»-ին պարտադիր է:© 2013 JFHR online: Բոլոր իրավունքները պաշտպանված են:

Այս կայքը ստեղծվել է «Լրատվության այլընտրանքային ռեսուրսներ» ծրագրի շրջանակներում: Ծրագիրը հնարավոր է դարձել Ամերիկայի ժողովրդի աջակցությամբ` ԱՄՆ Միջազգային զարգացման գործակալության /ԱՄՆ ՄԶԳ/ միջոցով:Կայքի բովանդակությունը միմիայն հեղինակներինն է և պարտադիր չէ, որ արտահայտի ԱՄՆՄԶԳ կամ ԱՄՆ կառավարության տեսակետները: