Երևան քաղաքի ընդհանուր իրավասության դատարանի Ավանի նստավայրի շենքն առավոտից շրջապատված է։ Լարված դրություն է դատարանի ամբողջ տարածքում, ոստիկանները «պատ են կանգնել» և մի քանի շարքերով փորձում են կառավարել ամբոխին։

«Ազատությո՛ւն նախագահին». նույնաբովանդակ կոչերով և բղավոցներով դատարանի շենքն են շրջապատել ՀՀ երկրորդ նախագահ Ռոբերտ Քոչարյանի համակիրները։ Նրանց հենց դիմացն են կանգնել տասնյակ քաղաքացիներ, որոնք եկել են իրենց բողոքն արտահայտելու Քոչարյանին և նրա համակիրները։ Վերջիններս պարբերաբար վանկարկում են «Քոչարյա՛ն, հանցագործ» ու հիշեցնում Մարտի 1-ը դեպքերը։

Ռոբերտ Քոչարյանի համակիրները

Երկու հակադիր կողմերի մեջտեղում ոստիկանական պատնեշն է, նրանց գլխի վերևով են անցնում համակիրների և Քոչարյանին դեմ հավաքված քաղաքացիների հարցուպատասխանները։ Համակիրներն ի պաշտպանություն Քոչարյանի որևէ մեկնաբանություն են անում, դեմ քաղաքացիները՝ հակափաստարկ բերում։

Ռոբերտ Քոչարյանի համակիրները Forrights-ի հետ զրույցում նշեցին, որ եկել են պայքարելու երկրորդ նախագահի ազատության համար, հակառակ կողմը շեշտեց՝ Քոչարյանը պետք է նստի ու պատասխան տա իր կատարած հանցանքների համար։

Այս պահին ոստիկանները փակել են դատարանի դարպասները և թույլ չեն տալիս կողմերից որևէ մեկին մտնել դատարան։ Սակայն նշենք, որ դատարանի դահլիճում են գտնվում Քոչարյանի համակիրներից շատերը, որոնք ամբաստանյալ Քոչարյանին դիմավորեցին ծափահարություններով։

Ռոբերտ Քոչարյանի դեմ դուրս եկած քաղաքացիներ

Այժմ շարունակվում է Ռոբերտ Քոչարյանի գործով դատական նիստը։ Հիշեցնենք, որ քիչ առաջ դատավոր Դավիթ Գրիգորյանը որոշում կայացրեց մերժել պաշտպանական կողմի միջնորդությունը և ինքնաբացարկ չհայտնել։

Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:

Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով:

Pin It on Pinterest