Ռոբերտ Քոչարյանը կշարունակի մնալ կալանքի տակ

0
809
Ռոբերտ Քոչարյան

ՀՀ երկրորդ նախագահ Ռոբերտ Քոչարյանը կշարունակի մնալ կալանավորված: Վերաքննիչ քրեական դատարանը՝ դատավոր Ռուզաննա Բարսեղյանի նախագահությամբ, քիչ առաջ մերժեց պաշտպանական կողմի բողոքը և անփոփոխ թողեց Առաջին ատյանի դատարանի որոշումը:

Վերաքննիչ դատարանի որոշումը պաշտպանական խումբը բողոքարկելու է Վճռաբեկ դատարան:

Հիշեցնենք, որ արդեն մի քանի օր է Վերաքննիչ քրեական դատարանը քննում էր Ռոբերտ Քոչարյանի կալանավորման վերաբերյալ վերաքննիչ բողոքը:

Հավելենք, որ մարտի 15-ին Առաջին ատյանի դատարանը բավարարել էր Հատուկ քննչական ծառայության միջնորդությունը՝ Ռոբերտ Քոչարյանի նկատմամբ ընտրված խափանման միջոց կալանավորման ժամանակը ևս երկու ամսով երկարացնելու վերաբերյալ:

Միաժամանակ դատարանը մերժել էր պաշտպանական խմբի կողմից գրավը թույլատրելի ճանաչելու վերաբերյալ միջնորդությունը: Հենց այս որոշումն է Քոչարյանի պաշտպանական խումբը բողոքարկում Վերաքննիչ դատարան:

Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով և 311-րդ հոդվածի 4-րդ մասի 2-րդ մասով` ՀՀ սահմանադրական կարգը տապալելու և առանձնապես խոշոր չափերով կաշառք ստանալու համար:


ԹՈՂՆԵԼ ՊԱՏԱՍԽԱՆ

Please enter your comment!
Please enter your name here