Դատավոր Գագիկ Հեբոյանի գործով անցնող փաստաբանը ևս կալանավորվեց

0
167
Վահագն Դանիելյան

Խոշոր չափերով կաշառք ստանալու մեջ մեղադրվող դատավոր Գագիկ Հեբոյանի գործով անցնող փաստաբան Վահագն Դանիելյանը երեկ երկու ամսով կալանավորվել է` դատարանը բավարարել է Հատուկ քննչական ծառայության (ՀՔԾ) միջնորդությունը ձերբակալված փաստաբանին կալանքի տակ առնելու վերաբերյալ։

ՀՔԾ-ն հաստատեց տեղեկատվությունը, որ փաստաբանին մեղադրանք է առաջադրվել խոշոր չափերով կաշառք ստանալուն օժանդակելու համար։ Ավելի վաղ Ազգային անվտանգության ծառայությունը (ԱԱԾ) հայտնել էր, որ փաստաբանն է կաշառքը փոխանցել դատավորին:

ԱԱԾ-ն քրեական գործ է հարուցել դատավորի կողմից առանձնապես խոշոր չափերով կաշառք ստանալու, վերջինին օժանդակելու և առանձնապես խոշոր չափերով կաշառք տալու դեպքերի առթիվ։ Գործն ուղարկվել է ՀՔԾ։

Կոտայքի մարզի ընդհանուր իրավասության դատարանի դատավոր Գագիկ Հեբոյանի փաստաբան Կրոմվել Գրիգորյանը նշեց, որ դատավորը մեղքը չի ընդունում։ Դատավորը ևս կալանքի տակ է։

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here