Արեգ Կյուրեղյանը հեռացվեց նիստերի դահլիճից. «Սասնա Ծռեր»-ի գործով նիստը կրկին հետաձգվեց

0
2625

Երևան քաղաքի ընդհանուր իրավասության դատարանի Շենգավիթի նստավայրում այսօր շարունավեց «Սասնա Ծռեր 2» քրեական գործի քննությունը՝ փոքր-ինչ լարված մթնոլորտում: Կես ժամ ուշացմամբ սկսված նիստի մեկնարկին, դատավոր Մեսրոպ Մակյանը դատավարական կողմերին հայտնեց, որ նիստն ուշ է սկսվում ամբաստանյալներից մի քանի ուշացման պատճառով: Դատարանը զգուշացրեց, որ դա կարող է դիտարկվել որպես դատավարությունից խուսափելու փորձ և ունենալ անցանկալի հետևանքներ:

Վրդովված Արեգ Կյուրեղյանը դատարանին հորդորեց չսպառնալ իրենց, ինչին ի պատասխան դատավոր Մակյանը հայտարարեց՝ չի սպառնում, նախազգուշացնում է:

Դատարանի  և Կյուրեղյանի մեջ փոքրիկ բանավեճ տեղի ունեցավ, որը լսելի չէր ապակիներից այն կողմ գտնվող անձանց համար: Քիչ անց դատարանը սանկցիա կիրառեց Արեգ Կյուրեղյանի նկատմամբ և 10 ժամով հեռացրեց նիստերի դահլիճից:

Այսօր շարունակվեց քննարկվել, թե արդյոք կասեցվելու է խմբի անդամներից Արայիկ Խանդոյանի գործը: Հիշեցնենք, որ նա շաբաթներ առաջ սրտի կաթվածից մահացել էր: Վարուժան Ավետիսյանը տեղեկացրեց՝ դեռ փաստաթղթերն ամբողջությամբ պատրաստ չեն և ժամանակ է անհրաժեշտ դրանք ներկայացնելու համար:

Քրեական գործի քննությունը ևս մեկ շաբաթով հետաձգվեց: Գործի քննությունը կշարունակվի հոկտեմբերի 31-ին:

 

ԹՈՂՆԵԼ ՊԱՏԱՍԽԱՆ

Please enter your comment!
Please enter your name here