«Քարոզարշավի թերությունն այն էր, որ դրա մի զգալի մասը տրամադրվեց միմյանց նկատմամբ մեղադրանքներ հնչեցնելուն, այնինչ մենք խնդիր ունենք ազգային բոլոր ուժերի կոնսոլիդացիայի, որ կարողանանք դուրս գալ այս վիճակից: Երևանը փորձադաշտ չէ»,- քվեարկության մտնելոց րոպեներ առաջ լրագրողների հետ զրույցում նշեց «Երկիր Ծիրանի» կուսակցության ղեկավար Զարուհի Փոստանջյանը:

Ըստ Փոստանջյանի, այս ընտրություններն իշխանության համար յուրօրինակ քննություն են լինելու, քանի որ նրանք պարտավորվել են վերացնել ընտրակեղծարարությունները.

«Իշխանության ձեռքում են այն լծակները, որոնց միջոցով պետք է կանխվեն ընտրակեղծարարությունը և ապօրինությունները: Հանրությունը ևս պետք է մասնակիցը լինի այդ գործողությանը, չվերցնի և չբաժանի ընտրակաշառք, օգնի գործող իշխանությունենրին լավ «հանձնել քննությունը»: Սա մի հոգու գործ չէ: Այս պահին Կառավարությունը նույնիսկ իր գործողությունը չի կարողանում լիարժեք իրականացնել, որովհետև երկիրը, երբ քանդված է, ապա բոլորը պետք է վերականգնողական աշխատանքներին մասնակցեն»,- իր խոսում ասաց Փոստանջյանը:

Անդրադառնալով շրջանառվող այն լուրերին, որ տեղեկություններ կան, թե  քաղաքական ուժերից  ոմանք ընտրակաշառք են բաժանում, «Երկիր Ծիրանի» կուսակցության ղեկավարը շեշտեց՝ դա օպերատիվ-հետախուզական ծառայությունների գործողությունների մեջ է մտնում, եթե կան հիմնավոր կասկածներ, ապա պետք է հարուցվեն քրեական գործեր, առաջադրվեն համապատասխան մեղադրանքներ և սկսվի քրեական հետապնդում:

Forrights.am-ը «Լրագրողներ հանուն մարդու իրավունքների» ՀԿ-ի իրավական-լրատվական կայքն է:

Մեր առաջնահերթ նպատակը մարդու իրավունքների պաշտպանությունն է հրապարակայնացման միջոցով:

Pin It on Pinterest